პაკისტანსა და ავღანეთში მიწისძვრების შედეგად სულ მცირე 13 ადამიანი დაიღუპა, ხოლო 90-ზე მეტი დაშავდა. აღნიშნულ ინფორმაციას Reuters-ი ავრცელებს.

როგორც, პაკისტანის მთავრობის ოფიციალურმა წარმომადგენელმა განაცხადა, ჩრდილო-დასავლეთ პაკისტანში სულ მცირე 9 ადამიანი დაიღუპა და 44 დაშავდა, ხოლო ჩრდილოეთ პროვინციის საავადმყოფოები ღამით მუშაობის საგანგებო რეჟიმზე გადავიდნენ.

რაც შეეხება ავღანეთს, როგორც ქვეყნის ჯანდაცვის სამინისტროს წარმომადგენელმა განაცხადა, მიწისძვრის შედეგად სულ მცირე 4 ადამიანი დაიღუპა, 50 კი დაშავდა.

ამასთან, როგორც გამოცემა წერს, დაზიანდა სახლები და შენობები ორივე ქვეყანაში.

ევროპულ-ხმელთაშუა ზღვის სეისმოლოგიური ცენტრის ცნობით, მიწისძვრა იგრძნობოდა 1 000 კილომეტრზე მეტი სიგანის ტერიტორიაზე. მიწისძვრა იგრძნო 285 მილიონმა ადამიანმა: პაკისტანში, ინდოეთში, უზბეკეთში, ტაჯიკეთში, ყაზახეთში, ყირგიზეთში, ავღანეთსა და თურქმენეთში.

შეგახსენებთ, რომ გუშინ, ავღანეთში, პაკისტანსა და ინდოეთში 6,5 მაგნიტუდის მიწისძვრა მოხდა.

მიწისძვრის ეპიცენტრი ჯურმის მახლობლად, ჩრდილო-აღმოსავლეთ ავღანეთში დაფიქსირდა, მისი სიღრმე 187 კილომეტრზე იყო.

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო