2021-01-22 14:24:03, 626 ნახვა
კომენტარი
თამარ გაბუნია აცხადებს, რომ სტატისტიკური მონაცემებით, პლატოს პერიოდში ვიმყოფებით
ჯანდაცვის მინისტრის მოადგილის თამარ გაბუნიას განცხადებით, ამჟამად, სტატისტიკური მონაცემებით საქართველო პლატოს პერიოდში იმყოფება.
როგორც თამარ გაბუნიამ აღნიშნა, ყველა შემსუბუქება იქნება ეპიდემიური სურათის საპასუხოდ განხორციელებული.
"ეს იყო გარკვეული გამონაკლისი, იმისთვის, რომ წესების დაცვით წინასაახალწლო პერიოდში მოსახლეობას ჰქონოად გარკვეულწილად ამოსუნთქვის საშუალება და იყო ძალიან მკაცრი მონიტორინგი იმაზე, თუ როგორ მოხდა ოპერირება. მცირედი მატება ჩვენ სტატისტიკურად ვნახეთ, თუმცა მალევე დაუბრუნდა ეს ჩვეულ ნიშნულს, ახლა ვართ სტატისტიკურად პლატოს პერიოდში და ყველა შემსუბუქება იქნება ეპიდემიური სურათის პასუხად, ამდენად რისკები დაკავშირებული სარესტორნო ბიზნესთან არის უფრო მაღალი ვიდრე სხვა რისკები", - განაცხადა თამარ გაბუნიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
