ოთარ დანელია: ხორბლის ან პურის გაძვირება ლოგიკას არ ექვემდებარება

2015-08-10 15:56:23, 761 ნახვა

ეკონომიკა

სოფლის მეურნეობის მინისტრის, ოთარ დანელიას განცხადებით, ბაზარზე ხორბლის ან პურის ფასის შესაძლო მომატება ლოგიკას არ ექვემდებარება.

,დანელიას თქმით, აღნიშნულ თემასთან დაკავშირებით შეხვედრები მიმდინარეობს და პრობლემის შემთხვევაში, სახელმწიფო მწარმოებლებს ხელს შეუწყობს.

"არც ერთ ლოგიკას არ ექვემდებარება ხორბლის ან პურის ფასის მატება. ჩვენ ამ თემაზე არაერთი შეხვედრა გვქონდა. შესაბამისად, ჩვენ ხელთ არსებული ყველა საშუალება უნდა გამოვიყენოთ, რომ ამის პრევენცია მოხდეს. თუ რაიმე ხელშეწყობაა სახელმწიფოს მხრიდან საჭირო, ხელს შევუწყობთ. თუმცა არანაირ ლოგიკას გაძვირება არ ექვემდებარება და ვსწავლობთ რაშია საქმე. ამაში იგულისხმება ისიც, რომ თუ რაიმე პრობლემა აქვთ წისქვილკომბინანტებს, დაჩქარებულ ვადაში უნდა მოვაგვაროთ“, - განაცხადა ოთარ დანელიამ.

მისივე თქმით, ხორბლის მარაგი საკმარისია და ზოგადად ბაზარზე ხორბალი გაიაფებულია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან