საქართველოს პარლამენტის თავმჯდომარის ირაკლი კობახიძის განცხადებით, რუსეთის მხრიდან ყოველდღიური აგრესია გრძელდება და ოკუპირებული ტერიტორიები რუსეთის სამხედრო ბაზად იქცა, - ამის შესახებ ირაკლი კობახიძემ პოლონეთში „კაზიმირ პულასკის“ ფონდის მიერ ორგანიზებულ შეხვედრაზე განაცხადა. 

„ერთიანი ნაციონალური მოძრაობა“ სხვა ოპოზიციურ პარტიებთან ერთად, საქართველოს კონსტიტუციის ახალ პროექტთან დაკავშირებით, ვენეციის კომისიას მიმართავს.

„ევროკავშირის ოფიციალური ორგანოების გადასაწყვეტია თუ რა ფორმით და  რა საშუალებით გასცემენ პასუხს ამ შემთხვევაში კერძო პირის განცხადებას“,-ასე  გამოეხმაურა  თავდაცვის მინისტრი  ლევან იზორია ევროაკვშირის სპეციალური წარმომადგენლის სამხრეთ კავკასიასა და საქართველოს კრიზისების საკითხებში ჰერბერტ ზალბერის შეხვედრას ე.წ. სამხრეთ ოსეთის დე- ფაქტო პრეზიდენტთან.

აჭარის მთავრობის თავმჯდომარე ზურაბ პატარაძე ბელარუსის რესპუბლიკის ელჩს საქართველოში მიხეილ მიატლიკოვს შეხვდა.

საქართველოს საგარეო საქმეთა მინისტრი მიხეილ ჯანელიძე კვიპროსში ვიზიტის ფარგლებში, ნიქოზიაში მიმდინარე  ევროპის საბჭოს 127-ე მინისტერიალში მონაწილეობს.

ევროკავშირის სპეციალურ წარმომადგენელს სამხრეთ კავკასიასა და საქართველოს კრიზისების საკითხებში, ჟენევის მოლაპარაკებების თანათავმჯდომარე ჰერბერტ ზალბერს დღეს საქართველოს საგარეო  საქმეთა სამინისტროში  ელოდებიან.

დონალდ ტრამპის საარჩევნო კამპანიის მრჩეველი მაიკლ ფლინი და პრეზიდენტის სხვა მრცევლები, საარჩევნო კამპანიის დროს, რუსეთის ხელისუფლების წარმომადგენლებთან მუდმივ კონტაქტზე იყვნენ  – ამის შესახებ Reuters წერს.

საქართველოს პრეზიდენტი გიორგი მარგველაშვილი კამპანიის „კონსტიტუცია ყველასია" ფარგლებში სულხან-საბა ორბელიანის სახელობის უნივერსიტეტის სტუდენტებს და პროფესორებს შეხვდა.

"ჩვენ გვაქვს ძალიან ამბიციური გეგმა-ავაშენოთ მყარი საფუძველი საქართველოს გრძელვადიანი განვითარებისთვის, მოვახდინოთ ჩვენს ქვეყანაში დემოკრატიის კონსოლიდაცია და დავიცვათ საქართველოს ადგილი ევროპული ერების ოჯახში. საქართველოს მოსახლეობამ ბოლო საპარლამენტო არჩევნებზე მკაფიო მანდატი მოგვანიჭა“,- ამის შესახებ საქართველოს პარლამენტის თავმჯდომარემ ვარშავაში, ცენტრალური დ აღმოსავლეთ ევროპის პარლამენტების თავმჯდომარეების სამიტზე სიტყვით გამოსვლისას განაცხადა.

ქვემო ქართლში სახელმწიფო რწმუნებულის-გუბერნატორის თანამდებობაზე გრიგოლ ნემსაძე დაინიშნა. 

თავდაცვის ყოფილი მინისტრი თინათინ ხიდაშელი შინაგან საქმეთა მინისტრ გიორგი მღებრიშვილის, მოსკოვის ყოფილი მერის იური ლუჟკოვის საქართველოში ჩამოსვლასთან დაკავშირებით ღია წერილით მიმართავს.

პრეზიდენტ გიორგი მარგველაშვილის განცხადებით, საქართველოსნაირ ქვეყანაში სტრატეგიულად მნიშვნელოვანია, რომ პრეზიდენტს მთავარსარდლის ფუნქცია ჰქონდეს.

კულტურისა და ძეგლთა დაცვის მინისტრის მიხეილ გიორგაძის განცხადებით,  ევროკავშირის სპეციალურ წარმომადგენლის,  სამხრეთ კავკასიასა და საქართველოს კრიზისის საკითხებში, ჰერბერტ ზალბერის ქმედება სრულიად მიუღებელია.