მოსახლეობის დასახმარებლად რამდენიმე სხვადასხვა ვარიანტი განიხილება - საუბარია, დენის ვაუჩერებზე, ბიზნესისთვის - საშემოსავლო გადასახადის მოხსნაზე, რათა მათ შეძლონ თანამშრომლებისთვის ხელფასების გადახდა, - განაცხადა ფინანსთა მინისტრმა, ივანე მაჭავარიანმა უწყებათაშორისი საკოორდინაციო საბჭოს შეხვედრის დასრულების შემდეგ.

როგორც მან აღნიშნა, აღნიშნული ვარიანტების შესახებ დეტალურად მოგვიანებით გახდება ცნობილი.

„თვითდასაქმებულებთან დაკავშირებით სხვა მიდგომაა საჭირო, მსხვილ კომპანიებში ვინცაა დასაქმებული და ვისაც დიდი ხელფასი ჰქონდა, მათ დანაზოგი აქვთ და მათთან სხვანაირი მოდელი უნდა იყოს. შესაბამისად, ჩვენ ბიუჯეტს ამ სოციალური მიზანშეწონილობის გათვალისწინებით ვაკეთებთ. ამავდროულად, ჩვენ ვლაპარაკობთ ეკონომიკის სტიმულირების პაკეტზე.  გვჯერა და ასეც იქნება, რომ ეს კრიზისი უსასრულოდ ვერ გაგრძელდება. ჩვენ დონორებთან ერთად ვსაუბრობთ იმაზე, შემდგომში, შენელებული ეკონომიკა როგორ უნდა დასტიმულირდეს და რა საშუალებებით", - განაცხადა ფინანსთა მინისტრმა.

როგორც მან აღნიშნა, დღეს ბევრი საუბრობს სხვადასხვა ტიპის სოციალური მხარდაჭერის შეთავაზებაზე, თუმცა მნიშვნელოვანია ეს გეგმა იყოს მაქსიმალურად მიზნობრივი და ფინანსურად მდგრადი.

„ჩვენ აბსოლუტურად ყველა მოსაზრებას ვისმენთ, ვაანალიზებთ. ეს ღონისძიებები უნდა იყოს მიზნობრივი, მაქსიმალურად სწორად უნდა მოიცვას ის ჯგუფები, ვინც ყველაზე უფრო მეტად დაზარალდა, ეს ერთი და მეორე, ეს შესაძლებელი უნდა იყოს ფიზიკურად. მიუხედავად იმისა, რომ ჩვენ გვერდზე დგანან ჩვენი უცხოელი პარტნიორები, შეგვიძლია სესხის მოზიდვაც და ამას გავაკეთებთ კიდეც, ამ ყველაფრის გათვალისწინებით, ეს ღონისძიებები უნდა იყოს ფინანსურად მდგრადი", – აღნიშნა ფინანსთა მინისტრმა, ივანე მაჭავარიანმა.

ავტორი: NS (სტატია დაფინანსებულია),

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია