საპენსიო სააგენტოს რისკის კომიტეტი თითოეული ტრანზაქციის კანონთან და საინვესტიციო დოკუმენტთან შესაბამისობას შეამოწმებს. ამის შესახებ საპენსიო სააგენტოს მთავარი რისკის ოფიცერი ბაქარ მარუაშვილი საუბრობს.

ბაქარ მარუაშვილის განცხადებით, სპეციალიზირებული დეპოზიტარის მიერ მოხდება რისკების ადეკვატურობის შეფასება.

,,რისკის კომიტეტის მხრიდან,  იქნება წინასწარი დასტური გარკვეულ მაღალი რისკის შემცველ ტრანზაქციებზე, გაივლის რისკის გუნდს, გავაკეთებთ ადეკვატურ შეფასებას, რის საფუძველზეც შემდეგ საინვესტიციო საბჭო დამოუკიდებლად მიიღებს გადაწყვეტილებას. დამოუკიდებელი გადაწყვეტილების მიღების საშუალება გარკვეულ ლიმიტებთან მიმართებაში, ასევე ექნება უფროს საინვესტიციო ოფიცერს, თუმცა როგორც რისკის გუნდის მიერ, ასევე სპეციალიზირებული დეპოზიტარის მიერ მოხდება რისკების ადეკვატურობის შეფასება, ასევე კანონმდებლობასთან და სხვა საინვესტიციო პოლიტიკის დოკუმენტებთან შესაბამისობის შემოწმება", - განმარტავს ბაქარ მარუაშვილი.

შეგახსენებთ, რომ საპენსიო სააგენტომ საინვესტიციო საბჭოს გადაწყვეტილებით ინვესტირების პროცესი დაიწყო. საპენსიო სააგენტოს დირექტორის მოვალეობის შემსრულებლის გიორგი ჭიჭინაძის განცხადებით, კანონით მინიჭებული უფლებამოსილების ფარგლებში საინვესტიციო საბჭომ პირველი ინვესტიცია 560 მლნ ლარის ოდენობით უკვე განახორციელა და თანხები მაღალრეიტინგული ქართული კომერციული ბანკების სადეპოზიტო სერთიფიკატებში განათავსა.

ავტორი: ექსპრესნიუსი,

სოციალური ქსელები

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა

ჰერჩინსკი - გრძელდება ანტი-ევროპული რიტორიკა, რომელიც კიდევ უფრო მეტად აზიანებს წლობით ნაშენებ მეგობრობას