2020-03-05 22:20:48, 1745 ნახვა

---

ამირან გამყრელიძე ადასტურებს, რომ კორონავირუსით ინფიცირებული კიდევ 5 პირი იმ მამაკაცის ახლობლები არიან, რომელსაც ინფეცია დღეს დაუდგინდა

დაავადებათა კონტროლის ეროვნული ცენტრის ხელმძანელის, ამირან გამყრელიძის განცხადებით, კორონავირუსით ინფიცირებული კიდევ 5 ადამიანი იმ 44 წლის მამაკაცის ახლობლები არიან, რომელსაც დღეს ახალი კორონავირუსული ინფექცია დაუდგინეს.

მისი თქმით, 5-ვე ინფიცირებული ადამიანი იტალიაში სამოგზაუროდ ერთად იმყოფებოდნენ. 

"მეოთხე დადასტურებულ შემთხვევასთან დაკავშირებით გამოკვლეული იქნა 25-მდე სხვადასხვა ოჯახურებრივი თუ სამსახურებრივი კონტაქტი. ყველასთან ჩატარდა ჩაღრმავებული ეპიდკვლევა და დამატებით 5 ადამიანი იქნა მოთავსებული ინფექციურ საავადმყოფოში. ძირითადად ეს გახლავთ ერთი კლასტერი, ვინც გახლდნენ ერთად სამოგზაუროდ იტალიაში. მიმდინარეობს ამ 5 ადამიანის დამატებითი კვლევა. რა ტქმა უნდა, კონტაქტები კიდევ გაფართოვდება, დაიწყება ჩაღრმავებული ეპიდკვლევა და ჩატარდება ლაბორატორიული გამოკვლევები", - განაცხადა ამირან გამყრელიძემ. 

ცნობისთვის, საქართველოში ახალი კორონავირუსული ინფექციის 9 შემთხვევაა დადასტურებული. საკარანტინო სივრცეში მოთავსებულია 162 ადამიანი, სტაციონარში მეთვალყურეობას კი 45 პირი გადის. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი