რესპუბლიკურ საავადმყოფოში ყველაზე დიდი საკარანტინო ზონა იხსნება

2020-02-29 18:52:25, 2421 ნახვა

საზოგადოება

რესპუბლიკური საავადმყოფოს საკარანტინო ზონად მოწყობა დაიწყო, ამის შესახებ "მთავარ არხს" კლინიკის დირექტორმა ლევან გოფოძემ განუცხადა.

მისი თქმით, საავადმყოფოში მყოფი პაციენტები სხვადასხვა კლინიკებში გადაანაწილეს,დარჩენილი პაციენტებისგან საავადმყოფოს სრულ დაცლას კი ხვალისთვის გეგმავენ.

"რესპუბლიკური საავადმყოფო იქნება ერთ-ერთი იმ საკარანტინო ზონებიდან, რომელიც გამოყოფილია საქართველოში კორონა ვირუსის პრევენციის მიზნით. რადგანაც ჩვენთან თავს მოიყრის ისეთი პაციენტები, რომლებსაც შესაძლოა დაკვირვების შედეგად აღმოაჩნდეთ კორონავირუსი, ამიტომაც გადაწყდა, რომ ამ ეტაპზე საავადმყოფოში არსებულ პაციენტთა კონტიგენტი მთლიანად იქნეს გაყვანილი, საფრთხოს თავიდან აცილების მიზნით", - განაცხადა ლევან გოფოძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,