2020-02-28 11:01:05, 2609 ნახვა
რეგიონი
ზუგდიდში ავარიას 3 ადამიანი ემსხვერპლა
ზუგდიდში, სოფელ დარჩელში ავარიას 3 ადამიანის სიცოცხლე ემსხვერპლა.
არსებული ინფორმაციით, მძღოლმა საჭე ვერ დაიმორჩილა, რის გამოც ავტომანქანა გზის სავალი ნაწილიდან გადავიდა და ბეტონის ბორდიურს შეეჯახა.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მერვე ნაწილით მიმდინარეობს, რაც სატრანსპორტო საშუალების ექსპლუატაციის წესის დარღვევას გულისხმობს, რამაც 2 ან მეტი ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
