ფინანსთა მინისტრი ნოდარ ხადური ბანკების წარმომადგენლებს შეხვდა.

სამინისტროს ინფორმაციით, შეხვედრაზე მინისტრმა მათ ძირითადი მაკროეკონომიკური მაჩვენებლების, მიმდინარე წლის ბიუჯეტის 6 თვის შესრულების შედეგებისა და იანვარ-ივნისში მიღწეული ეკონომიკური ზრდის პარამეტრებზე მიაწოდა ინფორმაცია.

საუბარი ასევე შეეხო ქვეყანაში ფასიანი ქაღალდების ბაზრის განვითარების პერსპექტივას, კერძოდ, სახაზინო ვალდებულებებისა და სახაზინო ობლიგაციების ემისიის საკითებს.

როგორც ფინანსთა სამინისტროს მხრიდან აღინიშნა, სახელმწიფოსთვის გრძელვადიან პერსპექტივაში მნიშვნელოვანი და პრიორიტეტულია ქვეყანაში ფასიანი ქაღალდების ბაზრის განვითარება და ამ მიმართულებით ბანკების აქტიური ჩართულობა.

მიღწეული შეთანხმებით, ფინანსთა სამინისტროსა და კომერციულ ბანკებს შორის აღნიშნულ საკითხზე გაგრძელდება აქტიური კომუნიკაცია და თანამშრომლობა.

ფინანსთა სამინისტროში გამართულ შეხვედრას ასევე ეროვნული ბანკის ვიცე-პრეზიდენტი და საქართველოს ბანკების ასოციაციის თავმჯდომარე დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა