„ქართული ოცნებიდან“ წასული დეპუტატები მზად არიან უმრავლესობის კომპრომისულ ვარიანტს მხარი დაუჭირონ. ამის შესახებ „დამოუკიდებელმა დეპუტატების“ წევრმა, ლევან კობერიძემ განაცხადა.

მისი თქმით, ისინი იმ შემთხვევაში დაეთანხმებიან 2020 წლის საპარლამენტო არჩევნების ჩატარებას 100/50-ზე პრინციპით, თუ არჩევნებზე მისვლა საქართველოს ტერიოტორიაზე მცხოვრები ყველა პირისთვის სავალდებულო გახდება.

„პირველი, 2024 წლიდან აუცილებლად უნდა შენარჩუნდეს პროპორციული საარჩევნო სისტემა და სრულიად გამოირიცხოს კონსტიტუციაში რსებული მუხლის ცვლილება 2020 წლიდან. თუკი 2020-2024 წლებს შორის დადგება ვადამდელი საპარლამენტო არჩევნების ჩატარების აუცილებლობა, არჩევნები ჩატარდეს იმავე ორინციპით, რაც ამოქმედდება 2020 წლის საპარლამენტო არჩევნებისათვის. არჩევენბის შედეგების მაღალი ლეგიტიმაციისთვის, ფართო პოლიტიკური ჩართულობით გაიმართოს მსჯელობა და შეთანხმების საფუძველზე 2020 წლის საპარლამენტო არჩევნებში მონაწილეობა გახდეს სავალდებულო არჩვენების დღეს საქართველოს ტერიტორიაზე მყოფი საქართველოს ყველა მოქალაქისთვის. მეოთხე, ზემოაღნიშნული სამი პირობის გათვალისწინებით ჩვენ მზად ვართ ხელი შევუწყოთ ფართო კონსესუსის მიღწევას და მხარი დავუჭიროთ 2020 წლის საპარლამენტო არჩევნების ჩატარებას 100 პროპორციული და 50 მაჟორიტარული მოდელით. ესაა ჩვენი კომპრომისული შეთავაზება“, - განაცხადა ლევან კობერიძემ.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა