„ხაბეიშვილისგან ბინძური განცხადებები არ მიკვირს, რადგან ის არის იმისთვის, რომ მიაყენოს შეურაცხყოფა ხალხს“, - ამის შესახებ დედაქალაქის მერმა კახა კალაძემ ჟურნალისტებს განუცხადა.

კალაძის თქმით, მისთვის მიუღებელია ცემის ფაქტი, თუმცა ხელისუფლების წარმომადგენლები დიდი ხანია რაც ითმენენ სიტყვიერ შეურაცხყოფებს.

მანვე მოუწოდა „ქართული ოცნების“ მხარდამჭერებს, რომ არ აყვნენ პროვოკაციებს, რომელბსაც წელს, საარჩევნო წლის გამო ოპოზიციის წარმომადგენლები დაგეგმავენ.

 „ხაბეიშვილისგან ბინძური განცხადებები არ მიკვირს, ეს მისი სტილია. ის არის იმისთვის, რომ ისაუბროს სიცრუეზე, ტყუილზე, მიაყენოს შეურაცხყოფა ხალხს.

ზოგადად ცემის ფაქტს რაც შეეხება, ეს ძალიან ცუდია, თუმცა ასევე ძალიან ცუდია, როდესაც ჩვენ ვითმენთ დიდი ხნის განმავლობაში სიტყვიერ შეურაცხყოფებს. ჩვენ შეგვიძლია ვიდებატოთ, შევიდეთ ერთმანეთთან პოლემიკაში, გვქონდეს განსხვავებული შეხედულებები, ეს პოლიტიკური პროცესის ნაწილია, თუმცა არ ნიშნავს იმას, რომ ჩვენ უნდა მივაყენოთ ერთმანეთს სიტყვიერი შეურაცხყოფა.

წელს საარჩევნო წელია და დარწმუნებული ვარ, რომ ბევრი იქნება მათი მხრიდან დაგეგმილი პროვოკაციები, ამიტომ მოვუწოდებ „ქართული ოცნების“ მხარდამჭერებს, რომ არ აყვნენ მათ“, - განაცხადა კახა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია