ლონდონის მადამ ტიუსოს მუზეუმმა პრინც ჰარისა და მეგან მარკლის ფიგურები სამეფო კუთხიდან აიღო. ამის შესახებ ინფორმაციას „როიტერი”  ავრცელებს.

მუზეუმის ხელმძღვანელებმა აღნიშნული გადაწყვეტილება მას შემდეგ მიიღეს, რაც პრინცმა ჰარიმ და მეგან მარკლმა განაცხადეს, რომ მაღალი რანგის სამეფო სტატუსს ტოვებენ.

ლონდონდში მდებარე მუზეუმში სამეფო ოჯახის წევრებისთვის სპეციალური ადგილი იყო გამოყოფილი. სასექსის ჰერცოგისა და ჰერცოგინიას ცვილის ფიგურები დედოფალი ელიზაბეტის და პრინცი ფილიპის, ასევე პრინცი უილიამის და მისი მეუღლე ქეით მიდლტონის გვერდით იყო განთავსებული, თუმცა წყვილის გადაწყვეტილების შემდეგ მუზეუმმა პრინცი ჰარისა და მეგან მარკლის ქანდაკებების აღება გადაწყვიტა.

პრინცი ჰარისა და მეგან მარკლის ქანდაკებები მადამ ტიუსოს მუზეუმში გასული წლის 9 მაისს, წყვილის სამეფო ქორწილამდე 10 დღით ადრე განათავსეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა