„ერთადერთი ვიცით, რომ იქ ნორმალურად იყო. შევიწროებას და ზეწოლას ადგილი არავის მხრიდან არ ჰქონია, რაც ძალიან მნიშვნელოვანია და ძალიან გვიხარია“, - ამის შესახებ ექიმ ვაჟა გაფრინდაშვილის შვილმა, ირინა გაფრინდაშვილმა განაცხადა.

მისი თქმით, ვაჟა გაფრინდაშვილის ჯანმრთელობის მდგომარეობა ნორმალურია და მას ახლა დასვენება სჭირდება.

„ძალიან დიდი მადლობას გიხდით ყველაფრისთვის, რაც ამ 50 დღის განმავლობაში ხდებოდა და რა მხარდაჭერაც ჩვენ გამოგვიცხადეთ, ყველანი ძალიან ბედნიერები ვართ, ახლა ისე ვართ, ემოციებს ვერ გამოვხატავთ. ფიზიკურად მამა ნორმალურ მდგომარეობაშია. ცოტა გამხდარია, მაგრამ თავს ნორმალურად გრძნობს. ახლა დასვენება გვჭირდება ჩვენც და მასაც, რომ ცოტა აზრზე მოვიდეთ. ერთადერთი ვიცით, რომ იქ ნორმალურად იყო. შევიწროებას და ზეწოლას ადგილი არავის მხრიდან არ ჰქონია, რაც ძალიან მნიშვნელოვანია და ძალიან გვიხარია. მოულოდნელი გადაწყვეტილება იყო, საერთოდ დღევანდელი გათავისუფლება. ყველა ვხედავდით, რომ ამ ხნის განმავლობაში ყველა ჩართული იყო მაქსიმალურად, როგორც სახელმწიფო სტრუქტურები, მთავრობა, საერთაშორისო ორგანიზაციები და ამიტომ, ჩვენი აზრით, ყველას ერთობლივი ძალისხმევის შედეგია ეს შედეგი, რაც დღეს მივიღეთ. ყველა კომპლექსურად იმუშავა და ეს ყველას შედეგია“, - განაცხადა ირინა გაფრინდაშვილმა.

შეგახსენებთ, ოკუპანტების მიერ უკანონოდ დაკავებული ექიმი ვაჟა გაფრინდაშვილი პატიმრობიდან დღეს გათავისუფლდა. საოკუპაციო რეჟიმმა ვაჟა გაფრინდაშვილი 9 ნოემბერს დააკავა. ოკუპანტები ექიმს ე.წ საზღვრის უკანონო კვეთას ედავებოდნენ, თუმცა გაფრინდაშვილი წარდგენილ ბრალს არ აღიარებდა. 20 დეკემბერს ცხინვალის საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა