ცხინვალში უკანონო ტყვეობაში მყოფი ექიმის, ვაჟა გაფრინდაშვილის ოჯახის წევრებს პრემიერ-მინისტრი გიორგი გახარია შეხვდა. 
ირინა გაფრინდაშვილის თქმით, ხელისუფლებისგან ოჯახმა მიიღო პირობა, რომ ამ საკითხზე საერთაშორისო ჩართულობა კიდევ უფრო გააქტიურდება.
"შევხვდით და ვისაუბრეთ სამომავლო გეგმებთან დაკავშირებით. მათი თქმით, კიდევ უფრო აქამდე აქტიურად არიან ჩართული საერთაშორისო ორგანიზაციები და კიდევ უფრო გააძლიერებენ ბერკეტებს, რადგან ჩვენი ერთადერთი ბერკეტი არის საერთაშორისო ზეწოლა", — განაცხადა გაფრინდაშვილის შვილმა.
მისივე თქმით, კონკრეტულ სამომავლო ნაბიჯებთან დაკავშირებით სჯობს, რომ მთავრობის ადმინისტრაციამ ისაუბროს.

შეგახსენებთ, საოკუპაციო ძალებმა ვაჟა გაფრინდაშვილი 9 ნოემბერს, ახალგორის რაიონში დააკავეს. მას ე.წ. საზღვრის უკანონო კვეთას ედავებიან. გაფრინდაშვილის ოჯახის ინფორმაციით, მისი ტყვეობაში დატოვების ძირითადი მიზეზი არის ის, რომ ის ბრალს არ აღიარებს და აცხადებს, რომ იმყოფება საქართველოს ტერიტორიაზე.

გაფრინდაშვილს ცხინვალის ე.წ. სასამართლომ 1 წლითა და 9 თვით თავისუფლების აღკვეთა შეეფარდა.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს