2019-12-19 15:11:42, 1064 ნახვა
საზოგადოება
კახეთის გზატკეცილზე ავარიის შედეგად 1 ადამიანი დაიღუპა, 14 კი, დაშავდა
კახეთის გზატკეცილზე მომხდარი ავარიის შედეგად 1 ადამიანი გარდაიცვალა და 14 დაშავდა.
არსებული ინფორმაციით, ერთმანეთს ტრაილერი და ყვითელი სამარშრუტო ტაქსი შეეჯახა.
ამ წუთებში ადგილზე მობილიზებული არიან საპატრულო პოლიციისა და სასწრაფო-სამედიცინო დახმარების თანამშრომლები.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების წესის დარღვევას გულისხმობს, რასაც ადამიანის გარდაცვალება მოჰყვა.
ავტორი: ექსპრესნიუსი,
epn.ge (@expressnews.ge)
