„ეს იყო ძალადობრივი აქცია-პერფორმანსი და ვფიქრობ, კრეატიულად ძალიან სუსტი“, - ასე ეხმაურება პარლამენტის თავმჯდომარის პირველი ვიცე-სპიკერი გია ვოლსკი, პარლამენტის პლენარულ სხდომათა დარბაზში გარკვეული ნივთიერების შეტანის ფაქტს.

როგორც მან აღნიშნა, უცნობი ნივთიერების სხდომათა დარბაზში შეტანა, რომელმაც რამდენიმე ადამიანს ალერგია განუვითარა „ნაციონალური მოძრაობის“ და სხვა კმარელების მიერაა ორგანიზებული.

„მე არ ვიცი რისი სუნია ამას ვერ გეტყვით, მაგრამ ფაქტია, რომ მოძრაობა „სირცხვილია“ თუ სხვა კმარელები საკმაოდ სერიოზულ ბრალდებას იღებენ თავის თავზე, ვინაიდან რამდენიმე ადამიანი სერიოზულად ცუდად შეიქმნა. მათ შორის ერთი დამლაგებელი, რომლებსაც ალერგია განუვითარდათ. სუნის დაყენება დაემთხვა „ნაციონალური მოძრაობის“ წარმომადგენლების შემოსვლას. ამიტომ, მე მათთან ვაკავშირებ ამას. მე დავინახე, რომ შემოვიდნენ, ქალბატონ ნატო ჩხეიძეს მიუახლოვდნენ. შეიძლება გააფრთხილეს. ყველაზე მაგარი რაც იყო, ეს იყო მთავარი არხის უცებ ჩართვა და გააქტიურება ყვირილით, რომ ტერორისტული აქტია და ევაკუაცია ხდება პარლამენტის. სამწუხაროა, რომ თქვენც ადასტურებთ, რომ ეს არის ევაკუაცია. ამას ჰქვია ძალადობრივი აქცია-პერფორმანსი და ვფიქრობ, კრეატიულად ძალიან სუსტი, რომ „მთავარი არხი“, „ნაცმოძრაობა“, მოძრაობა „კმარა“ თუ „სირცხვილია“ და ნადირაშვილი არიან გაერთიანებული ერთ სცენარში, რომელმაც ეს არეულობა გამოიწვია“, - განაცხადა გია ვოლსკიმ.

შეგახსენებთ, რომ პარლამენტის პლენარულ სხდომაზე, სადაც მოსამართლეობის კანდიდატებისთვის კენჭი უნდა ეყარათ, ტექნიკური შესვენება გამოცხადდა.

ირაკლი კობახიძის განცხადებით, ამის მიზეზი ოპოზიციის ორი დეპუტატია, რომლებმაც  დარბაზში გარკვეული ნივთიერება შეიტანეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია