2019-12-11 19:03:41, 1555 ნახვა

---

ბოკერია: დილიდან მოვახდენთ პარლამენტის პიკეტირებას - ან ისევ პოლიციელები უნდა მოიყვანონ, ან ღამე გაათენონ

„ევროპული საქართველოს“ ერთ-ერთი ლიდერის, გიგა ბოკერიას განცხადებით, ხვალ დილიდან პარლამენტის პიკეტირება ისევ იგეგმება.

როგორც ბოკერიამ აღნიშნა, თუ უმრავლესობის დეპუტატებს პარლამენტში შესვლა სურთ, ასეულობით პოლიციელის გამოყვანა ან ღამის გათენება მოუწევთ.

„დილიდან გვექნება პიკეტირება პარლამენტის. იცით, რომ მოსამართლეების არჩევას აპირებენ და ნიკა მელიას საკითხიც დღის წესრიგშია. ნიკა მელია დარჩება პოლიტიკურ ლიდერად, რას დააკლებენ ამით? კიდევ ერთ სამარცხვინო ფურცელს ჩაიწერენ მათი მხრიდან დემოკრატიის წინააღმდეგ გადადგმული ნაბიჯების ჩამონათვალში. სანამ ამ სამარცხვინო კლოუნების ლიდერი ივანიშვილი არ გადათქვამს იმ შეურაცხყოფას და არ წაიღებს უკან, რაც საზოგადოებას მიაყენა, ნორმალური პოლიტიკური ცხოვრება არ ექნებათ. ხვალაც უნდა მოიყვანონ ასეულობით პოლიციელი ან გაათენონ ღამე, აირჩიონ თვითონ“, - განაცხადა გიგა ბოკერიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი