„როგორც ჩანს კონტექსტი არასწორად იქნა გაგებული. ბოდიში არ იყო, ეს იყო წუხილი იმასთან დაკავშირებით, რაც მოჰყვა „გავრილოვის ღამის“ აქციის დაშლას“, - ასე ეხმაურება „დემოკრატიული მოძრაობის“ ლიდერი ნინო ბურჯანაძე ჟურნალისტებთან საუბრისას რუსული სააგენტო „ტასის“ მიერ გავრცელებულ ინფორმაციას, რომ თითქოს მან კონსტანტინ კოსაჩევს, „გავრილოვის ღამის გამო ბოდიში მოუხადა.

მისი თქმით, უხერხულია ხელისუფლების ქმედება, რომელიც მისი მოსკოვში წასვლის გამო სოციალურ ქსელში „ტროლებს“ ამუშავებდა.

„სამწუხაროა, რომ სტუმარს ორი წელი ეხვეწები ჩამოდიო და მერე  შენივე უტვინობის გამო ისეთი ვითარება იქმნება ქვეყანაში, რომელსაც ელემენტარულად ვერ ალაგებ და ვერ უხსნი საზოგადოებას და ვერ უხდი ბოდიშს ამისთვის. სამწუხაროა ის, რაც ამას მოჰყვა. თუმცა პოლიტიკურად მოჰყვა ის პოზიტივი, რომ ახალგაზრდების წყალობით ჩვენ მოვიპოვეთ პროპორციული არჩევნების შესაძლებლობა. მაგრამ რა თქმა უნდა სამწუხაროა, იქ  ადამაინებმა თვალი დაკარგეს.

როგორც ჩანს კონტექსტი არასწორად იქნა გაგებული. ბოდიში არ იყო, ეს იყო წუხილი იმასთან დაკავშირებით, რაც მოჰყვა ამ პროცესებს კონკრეტულად აქციის დარბევასთან დაკავშირებით და ასევე იმ თუნდაც პროტესტის უკიდურესად გამოხატვის უზრდელურ ფორმასთან დაკავშირებით, რომელიც ზოგიერთმა კონკრეტულმა ადამიანმა გამოხატა და ეს ნამდვილად არ ეკადრება ქართველებს, არ ეკადრება ქართველი კაცის თავმოყვარეობას და მე ვფიქრობ, რომ ნამდვილად შეიძლება გამოხატო ყველაზე დიდი აღშფოთებაც კი ისე, რომ პირველ რიგში, საკუთარ თავს არ მიაყენო შეურაცხყოფა. უხერხულობა იცით რა არის? ჩვენი მთავრობა სამი დღის განმავლობაში „ტროლებს“ რომ ამუშავებდა და ისტერიკა იყო გამართული იმაზე, რომ ვიღაცას შეუძლია და გამბედაობა აქვს, ელაპარაკოს პრობლემების მქონე მეორე მხარეს.“, - განაცხადა ნინო ბურჯანაძემ.

შეგახსენებთ, რომ ნინო ბურჯანაძე მოსკოვში 3 დეკემბერს ჩავიდა. ის შეხვედრებს დუმის დეპუტატებსა და ხელისუფლების სხვა წარმომადგნელებთან მართავს. გარდა ამისა, მედიაში გავრცელდა ინფორმაცია, რომ ზაფხულში, რუსი დეპუტატის სერგეი გავრილოვის სიტყვით გამოსვლას მოყოლილი ანტისაოკუპაციო აქციების გამო, პარტია „ერთიანი საქართველო-დემოკრატიული მოძრაობის“ ლიდერმა ნინო ბურჯანაძემ კონსტანტინ კოსაჩევს, ბოდიში მოუხადა.

ავტორი: ექსპრესნიუსი,

სოციალური ქსელები

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა

რეჟიმის პარლამენტში ფასების კომისიის ბოლო სხდომა გაიმართა, დასკვნა ხვალ გამოქვეყნდება

AI გენერირებული ტროლები დიუშენის სამკურნალო პრეპარატებზე რუსთავი 2-ის და ქალაქის მერის პოზიციებს იწონებენ

მომავლის აკადემია: TV იმედს ComCom-თან ისევ ვუჩივით, მოვითხოვთ პასუხისმგებლობის დაკისრებას