„ისეთი ხალხი, რომელიც არც თავისი ნებით მიდის, არჩევის კონსტიტუციურ უფლებას აუქმებს და არჩევნებსაც აყალბებს, უნდა დავამხოთ“,- ამის შესახებ მთავარი არხის დამფუძნებელმა და „რუსთავი 2“-ის ყოფილმა გენერალურმა დირექტორმა, ნიკა გვარამიამ საქალაქო სასამართლოში განაცხადა.

ჟურნალისტებთან საუბრისას მან ასევე აღნიშნა, რომ ხელისუფლების ყველა შტო, ისევე როგორც სასამართლო, უფუნქციოა.

„ხელისუფლების ყველა შტო არის ისეთი, როგორიც არის სასამართლო, უფუნქციო და გაუქმებული. ქვეყანას ერთი ადამიანი მართავს ბიძინა ივანიშვილი და ეს ერთი ადამიანი, არის ხელისუფლების უზურპატორი.  ფორმალურად არცერთ ხელისუფლებას არ წარმოადგენს, მაგრამ რეალურად ის არის ერთადერთი ვინც წარმოადგენს ყველა ხელისუფლებას. მოსამართლეც კი, რომელიც რიგით სასამართლო საქმეს იხილავს , სამოქალაქოს თუნდაც, ისიც ბიძინა ივანიშვილია და რიგითი პროკურორი, რიგითი პარლამენტის წევრიც საკონსტიტუციო უმრავლესობას შეადგენს, ამიტომ ესეთი ხალხი, რომელიც არც თავისი ნებით არ მიდის, არჩევნების კონსტიტუციურ უფლებას აუქმებს და აყალბებს არჩევნებს უნდა დავამხოთ“, - განაცხადა გვარამიამ.

შეგახსენებთ, თბილისის საქალაქო სასამართლოში ნიკა გვარამიას საქმეზე წინასასამართლო სხდომა მიმდინარეობს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია