“საქართველოს მოსახლეობის ნაწილმა, ისინი აირჩია პარლამენტში სასაუბროდ, თუნდაც საკამათოდ მწვავე საკითხებზე და არა იმისთვის, რომ ქუჩებში გამოვიდნენ“, - ამის შესახებ საპარლამენტო უმრავლესობის წევრმა, გურამ მაჭარაშვილმა განაცხადა.

მაჭარაშვილი ოპოზიციას, რომელიც უკვე რამდენიმე კვირაა საარჩევნო სისტემის ცვლილებას ქუჩის აქციებით ითხოვს, მოუწოდებს, საქმიანობა ისე გააგრძელონ, როგორც თანამედროვე სახელმწიფოს შეეფერება.

"დიალოგი უნდა ვაწარმოოთ იმის შესაბამისად, როგორც ეს ეკადრება თანამედროვე სახელმწიფოს. სახელმწიფოს ეკადრება ისე, რომ ეს იყოს შენობაში, პარლამენტში, რისთვისაც ისინი ხალხმა აირჩია. მათ ავიწყდებათ, რომ საქართველოს მოსახლეობის იმ ნაწილმა, რომელმაც ისინი აირჩია, აირჩია პარლამენტში სალაპარაკოდ, თუნდაც საკამათოდ მწვავე საკითხებზე და არა იმისთვის, რომ ქუჩებში გამოვიდნენ. თუ სურთ, რომ აქციები ქუჩებში იყოს, მაშინ საერთოდ რატომ იბრძვიან, რომ რომელიმე სისტემით მოხვდნენ პარლამენტში“, - განაცხადა გურამ მაჭარაშვილმა.

ცნობისთვის, დღეს მოძრაობა „გაბედეს“ წევრებმა უმრავლესობის მაჟორიტარ დეპუტატ გურამ მაჭარაშვილს პრესკონფერენციის ჩატარების საშუალება არ მისცეს. კერძოდ, აქტივისტები დეპუტატს მედიაცენტრ „მთავარში“ მაშინ მიუვარდნენ, როდესაც მაჭარაშვილი ჟურნალისტების კითხვებს პასუხობდა. ახალგაზრდებმა მას შენობა ხმამაღალი შეძახილებით და სასტვენებით დაატოვებინეს.   

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია