„ხელისუფლებას აქვს მაღალი პასუხისმგებლობა. ზედაპირზე პოლიტიკური ფიგურების ბრძოლა უფრო ჩანს, ვიდრე საზოგადოების ინტერესები და მე ვფიქრობ, ვინც საზოგადოების ინტერესებს უკეთ გაითვალისწინებს, წარმატებულიც ის იქნება",-ამის შესახებ საქართველოს პარლამენტის თავმჯდომარის პირველმა მოადგილემ გიორგი ვოლსკიმ უკანასკნელ დღეებში თბილისში განვითარებულ პოლიტიკურ პროცესებთან დაკავშირებით ტელეკომპანია „იმედის" ეთერში განაცხადა.

დეპუტატის თქმით,  დღეს რაც ხდება, არის დაძაბულობის მაღალი ხარისხი პოლიტიკურ ველზე, რომელიც ემოციურად და პოლიტიკურად ძალიან ცუდად მოქმედებს ქვეყანაზე, თუმცა, ეს არ არის პოლიტიკური კრიზისი.

მისივე განცხადებით, ოპოზიცია დიდი ხანი ემზადებოდა რევოლუციური სცენარისთვის, მაგრამ ქვეყანას ახლა რიგგარეშე არჩევნები კატეგორიულად არ სჭირდება.

„სახელმწიფომ უნდა გააგრძელოს ფუნქციონირება. ადამიანები, ვინც ერთის მხრივ ამბობენ, რომ მატულობს მათი პოპულარობა და ყველა გამოკითხვით წინ არიან, ზუსტად ვიცი, რომ ვერ გადიან საზოგადოებაში საარჩევნოდ. დამისახელეთ ნებისმიერი გვარი, რომელსაც შეუძლია საარჩევნოდ მაჟორიტარული ოლქი მოიგოს. არ უნდა დავუშვათ უკანონობა არც ჩვენ, არც იმათმა და ვფიქრობ, ამ შემთხვევაში ქვეყანა გადარჩება. ჩვენ ვფიქრობთ ქვეყანა გამოვიყვანოთ მდგომარეობიდან და იმ გამოწვევებიდან, რაც ჩვენს გარშემო არსებობს და აქ ჩვენს კომფორტზე არ არის ლაპარაკი. ჩვენ ვლაპარაკობთ ქვეყანაზე, სადაც ჩვენი შვილები ცხოვრობენ. სადაც მომავალი თაობა უნდა გაიზარდოს და მე ვამბობ, რომ ქვეყანას კატეგორიულად არ ჭირდება ის, რასაც ქვია ვადამდელი არჩევნები", - განაცხადა გიორგი ვოლსკიმ.​

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია