„ასეთი უნიათო და დესტრუქციული ოპოზიცია ჩვენს ქვეყანას დიდი ხანია არ ჰყოლია და იმედია, მომავალშიც არ ეყოლება“, - ამის შესახებ საპარლამენტო უმრავლესობის წევრმა ირაკლი კობახიძემ პარლამენტის პლენარულ სხდომაზე, ქვეყანაში განვითარებულ მოვლენებზე საუბრისას განაცხადა.

როგორც მან აღნიშნა, გასული ორი კვირის განმავლობაში საზოგადოებამ აბსოლუტურად ლუსტრირებული ოპოზიცია იხილა.

„ერთ მხარეს იდგნენ პოლიტიკური ძალები, რომლებიც მეორე მხარეს უწოდებს რუსეთის აგენტებს, პრორუსებს და მეორე მხარეს იდგნენ ძალები, რომლებსაც ის მხარე უწოდებს ძალადობრივ და დანაშაულებრივ პოლიტიკურ პარტიას. ეს ორი ძალა იდგა ერთად, ერთმანეთის მხარდამხარ.  ამაზე უკეთეს ლუსტრაციას ბუნებრივია, ჩვენ ვერ ვინატრებდით. ოპოზიციამ საკუთარი თავი წარმოაჩინა როგორც აბსოლუტურად დესტრუქციულ და უნიათო ძალად. ასეთი უნიათო და დესტრუქციული ოპოზიცია ჩვენს ქვეყანას დიდი ხანია არ ჰყოლია და იმედია, მომავალშიც არ ეყოლება. ჩვენ მათი წესრიგით ვერ ვიცხოვრებთ. სახელმწიფო იმოქმედებს ისე, როგორც უნდა მოქმედებდეს და ხელისუფლებაც იმოქმედებს ისე, როგორც მართებს“, - განაცხადა კობახიძემ.

მისივე თქმით, ეს პროცესი პოლიტიკური სისიტემის გაჯანსაღებით და ეროვნულ ღირებულებებზე დაფუძნებული ოპოზიციის ჩამოყალიბებით დასრულდება.

„დაწყებულია მარგინალური და დესტრუქციული ოპოზიციის სრული მარგინალიზაციის პროცესი, რომელიც დარწმუნებული ვარ, პოლიტიკური სისტემის გაჯანსაღებით  და ეროვნულ და დასავლურ ღირებულებებზე დაფუძნებული ოპოზიციის ჩამოყალიბებით დასრულდება. ვფიქრობ, ეს პროცესი შეუქცევადია. დიდი იმედი მაქვს, რომ როგორც დღეს არ ზის არც ერთი ნაციონალი,  სხდომათა დარბაზში ასევე, არ იჯდება არც ერთი ნაციონალი  არც შემდეგ პარლამენტში და მათ ადგილს დაიკავებენ კვალიფიციური, კეთილსინდისიერი, ეროვნულ და დასავლურ ფასეულობებზე დაფუძნებული, ამ ფასეულობების მატარებელი პარტიები და მათი წარმომადგენლები", - განაცხადა ირაკლი კობახიძემ.

მან მადლობა გადაუხადა სამართალდამცავ ორგანოებს, რომლებმაც მისი შეფასებით, ამ დღეების განმავლობაში სახელმწიფო ჰუმანურ და ძლიერ სახელმწიფოდ წარმოაჩინეს და ასევე საზოგადოებას, რომელიც „მოვლენებს სწორად აფასებს“.

„მინდა მადლობა გადავუხადო საზოგადოებას, რომელიც სწორად აფასებს მოვლენებს, სწორად ხედავს ყველაფერს და სწორედ, ეს არის მთავარი გარანტი იმისა, რომ ჩვენი ქვეყნის შეუქცევადი განვითარების პროცესი აუცილებლად გაგრძელდება", - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია