საპარლამენტო უმრავლესობის წევრი დიმიტრი ხუნდაძე, პარლამენტის პლენარულ სხდომაზე ექიმ ვაჟა გაფრინდაშვილის დაკავების ფაქტს გამოეხმაურა.

„მე მინდა ვისაუბრო ჩემი, ჩვენი, ექიმების, კოლეგის, ბატონი ვაჟა გაფრინდაშვილის დატყვევებასთან დაკავშირებით. მინდა ყველას ვუთხრა, ექიმობა არის ის პროფესია, როდესაც ფიცი იდება არა პარტიული ხაზით, არა ეთნიკური ნიშნით და სხვა განზომილებით, არამედ იმისთვის, რომ ის, ყველაფერს გაიღებს იმისათვის, რომ პაციენტის სიცოცხლე არ დადგეს რისკის ქვეშ და აქ ეკლიანი მავთულის გავლება აბსოლუტურად მიუღებელია, რამეთუ ექიმები საზღვრების გარეშე ახორციელებენ და უნდა ახორციელებდნენ თავის საქმიანობას და მით უმეტეს, როდესაც ექიმი, რომელსაც არაერთი სიცოცხლე გადაურჩენია, გადაურჩენია არაერთი ქართველი, აფხაზი, ოსი", - განაცხადა დიმიტრი ხუნდაძემ.

დიმიტრი ხუნდაძემ ინიციატივაც გააჟღერა და კოლეგებს პარლამენტში მყოფი ექიმების ხელმძღვანელობით ბრიგადების შექმნისა და საზღვრისპირა სოფლებში გასვლისკენ მოუწოდა.

„ჩვენ, ექიმები პარლამენტში საკმაოდ ბევრნი ვართ. გთავაზობთ, პარლამენტში მყოფი ექიმების ხელმძღვანელობით შევქმნათ ბრიგადები და ჩავიდეთ იქ. გავთავისუფლდეთ ყოველგვარი პირადული, ეთნიკური, პოლიტიკური პასუხისმგებლობისაგან და ავიღოთ მხოლოდ ერთი პასუხისმგებლობა. ექიმსა და პაციენტს შორის ეკლიანი მავთული ვერასოდეს გაივლება, რამეთუ ის იქნება რყევადი და ამ საზღვარს ვერასდროს შეინარჩუნებს",-განაცხადა დიმიტრი ხუნდაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია