სახელმწიფო უსაფრთხოების სამსახურის შენობასთან, სადაც მოძრაობა „გაბედეს“ წარმომადგენლები აქციას მართავენ,“ აქტივისტებსა და სამართალდამცველებს შორის დაპირისპირება მოხდა, რის გამოც პოლიციამ მოძრაობა „გაბედეს“ ექვსი წევრი დააკავა.

დაკავებულებს შორის არიან ოთარ ბექაური, ბექა ნათელაშვილი და თორნიკე ჯავახიშვილი.

აქტივისტების თქმით, სამართალდამცველები მათ მშვიდობიანი პროტესტის გამოხატვის საშუალებას არ აძლევენ.

„ჩვენ ვითხოვთ სუს-ის უფროსის აქ ჩამოსვლას, რათა გაგვცეს კითხვებზე პასუხი. თუ არ მივიღებთ ამ კითხვებზე პასუხს, დავიწყებთ კანონიერი გზებით მთელი ვაჟა ფშაველას პარალიზებას, 10 წუთს ვაძლევთ ამისთვის“,- განაცხადა მოძრაობის ერთ-ერთმა წევრმა.

როგორც "ექსპრესნიუსს" შინაგან საქმეთა სამინისტროში განუცხადეს, აქციის მონაწილეები ადმინისტრაციულ სამართალდარღვევათა კოდექსის 166-ე და 173-ე მუხლებით არიან დაკავებული, რაც წვრილმან ხულიგნობას და სამართალდამცველის კანონიერი მოთხოვნისადმი დაუმორჩილებლობას გულისხმობს.

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა