საქართველოს ვიცეპრემიერმა, იუსტიციის მინისტრმა თეა წულუკიანმა, 71-ე საზოგადოებრივი ცენტრი ქალაქ ამბროლაურში გახსნა. საზეიმო ღონისძიებას ესწრებოდნენ ამბროლაურის მაჟორიტარი დეპუტატი გოჩა ენუქიძე, რაჭა-ლეჩხუმისა და ქვემო სვანეთის გუბერნატორი არჩილ ჯაფარიძე, ამბროლაურის მერი დავით მხეიძე, მოწვეული სტუმრები.

საზოგადოებრივი ცენტრი ამბროლაურისა და მისი მიმდებარე 37 სოფლის: ნიკორწმინდის, ხვანჭკარის, ნამანევის, კვაცხუთის, წესის, ლიხეთის, ურავის, აბარის, ხიმშის, მუხლის, ძირაგეულის, სადმელის, ბოსტანის, ხოტევის, იწის, კრიხის, ახალსოფლის,  გორის,  სხვავის, ფუტიეთის, ჭელიაღელის, ხონჭიორის, თლუღის, კვირიკეწმინდის, ველევის, ბუგეულის, ზნაკვის, ბარეულის, გორისუბანის, ჯვარისის, ღადიშის, ცახის, თხმორის, კაჩაეთის, ჩორჯოს, საკეციისა და აგარის 13 000 -ზე მეტ მოსახლეს მოემსახურება.  

თანამედროვე სტანდარტების შენობა ამბროლაურში, ვაჟა-ფშაველას ქუჩაზე,  N22-ში სპეციალურად საზოგადოებრივი ცენტრისთვის აშენდა. ახალი საზოგადოებრივი ცენტრის შენობას გააჩნია  შშმ პირებისთვის განკუთვნილი პანდუსი. 

საზოგადოებრივი ცენტრის გახსნით, ადგილობრივი მოსახლეობა შეძლებს, კომფორტულ გარემოში,  ადგილიდან გაუსვლელად და სწრაფად ისარგებლოს  სახელმწიფო და კერძო სექტორის 200-ზე მეტი მომსახურებით. მომხმარებელს ე.წ. „ერთი ფანჯრის“ პრინციპით შეუძლია: აიღოს პასპორტი/პირადობის მოწმობა, განახორციელოს უძრავი ქონების რეგისტრაცია, საკადასტრო გეგმის მომსახურება, ისარგებლოს სოციალურად დაუცველი ოჯახის ქულის მინიჭების სერვისით, მიიღოს საარქივო მომსახურება და სხვა. ამავე საზოგადოებრივ ცენტრში მოქალაქეები აღსრულების ეროვნული ბიუროს მომსახურებითაც ისარგებლებენ. 

ამბროლაურის საზოგადოებრივ ცენტრში განთავსდა უახლესი ტექნიკით აღჭურვილი ბიბლიოთეკა, სადაც, ელექტრონულ წიგნებთან ერთად, ბეჭდური გამოცემებიც არის დაცული. ცენტრში ხელმისაწვდომია კომპანიების - „მაგთისა“ და „ლიბერთი ბანკის“ მომსახურებაც.

ამბროლაურში მცხოვრები პირების სამოქალაქო ჩართულობის სტიმულირებისთვის, ცენტრში თანამედროვე ტექნიკით აღჭურვილი შეხვედრების დარბაზია მოწყობილი, სადაც სხვადასხვა შინაარსის საინფორმაციო-საგანმანათლებლო შეხვედრის, პრეზენტაციებისა და დისტანციური სწავლების ჩატარებაა შესაძლებელი.

ამბროლაურის საზოგადოებრივი ცენტრის საზეიმო გახსნის შემდეგ კონცერტი გაიმართა.

(NS)

ავტორი: ექსპრესნიუსი,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური