„როდესაც „ქართულმა ოცნებამ“ პროპორციულ საარჩევნო სისტემაზე გადასვლის შესახებ განაცხადა, მე საჯაროდ ვამბობდი, რომ მაჟორიტარული სისტემის გაუქმება იქნება შეცდომა, რადგან ეს უფრო მეტად შეესაბამება საქართველოს ისტორიულ მოწყობას“, - ამის შესახებ პრემიერ-მინისტრის მრჩეველმა სოზარ სუბარმა ჟურნალისტებს განუცხადა.

მისი თქმით, პროპორციული სისტემის კანონპროექტთან დაკავშირებით, დეპუტატებმა გადაწყვეტილება თავისი სინდისის შესაბამისად მიიღეს და ამის გამო, რევოლუციაზე საუბარი გაუგონარია.

„პროპორციული სისტემა, მაჟორიტარული სისტემა იქნება, ნახევრად მაჟორიტარული თუ ნახევრად პროპორციული, ყველა არის კანონიერი, კონსტიტუციური და აპრობილრებული მსოფლიოს სხვადასხვა ქვყენებში და ყველაზე დემოკრატიული ქვენებიც სწორედ ამ სისტემით არის. ასე რომ აქ იმაზე საუბარი, თითქოს რაღაც დემოკრატიას შევეხეთ ან დემოკრატიას შეხვეხეთ, არასწორია. უბრალოდ რახან შევპირდით ცუდია, რომ ეს დაპირება არ შესრულდა. მაგრამ იმის გამო, რომ პარლამენტის წევრებმა იმოქმედეს თავისი სინდისის შესაბამისად და თქვეს, რომ ისინი ხმას აძლევენ იმას, რაც მათი აზრით არის სწორი, ამის გამო ვიღაცამ დაიწყოს რევოლუციაზე ლაპარაკი, ეს არის გაუგონარი. თუ პირადად ჩემი აზრიც გაინტერესებთ, მე მაშინაც კი, როდესაც „ქართულმა ოცნებამ“ ხმამაღლა განაცხადა, რომ დიახ, ჩვენ გადავდივართ პროპორციულ სისტემაზე, მე საჯაროდ ვამბობდი, რომ მე მიმაჩნია, რომ მაჟორიტარული სისტემის გაუქმება იქნება შეცდომა, იმიტომ რომ ეს უფრო მეტად შეესაბამება საქართველოს ისტორიულ მოწყობას. ჩვენი მხარეები, კუთხეები, იმსახურებს იმას, რომ მათ ჰყავდეთ თავიანთი წარმომადგენლები საქართველოს პარლამენტში“, - განაცხადა სოზარ სუბარმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია