2019-11-18 11:05:06, 1048 ნახვა
პოლიტიკა
მაჟორიტარმა დეპუტატმა მერაბ ქვარაიამ პარლამენტის ტერიტორია პოლიციის დახმარებით დატოვა - ვიდეო
ცოტა ხნის წინ პარლამენტში მივიდა ზუგდიდის მაჟორიტარი დეპუტატი მერაბ ქვარაია, რომლის გამოჩენას საკანონმდებლო ორგანოსთან ხმაური მოჰყვა.
აქციის მონაწილეებმა დეპუტატს, რომელმაც მხარი არ დაუჭირა პროპორციულ საარჩევნო სისტემაზე გადასვლას „ბიძინას გოშია“, „მონა“ და „ვირთხა“ ეძახეს.
ქვარაიას სურდა პარლამენტში შესვლა, თუმცა აქციის მონაწილეებმა ის არ შეუშვეს.
გარდა სიტყვიერი დაპირისპირებისა, ადგილი ჰქონდა ფიზიკურ დაპირისპირებასაც, რის გამოც პროცესში ჩაერთო პოლიცია და მერაბ ქვარაიამ პარლამენტის ტერიტორია სამართალდამცავების დახმარებით დატოვა.
შეგახსენებთ, რომ ცოტა ხნის წინ პარლამენტის შენობასთან მისული იყო უმრავლესობის წევრი, რევაზ არველაძე, რომელიც ასევე არ შეუშვეს აქციის მონაწილეებმა საკანონმდებლო ორგანოში.
ავტორი: ექსპრესნიუსი,
epn.ge (@expressnews.ge)
