„დღეიდან პარლამენტი თავის ფუნქციას ვერ და არ შეასრულებს, ამის პირობას ჩვენ ვდებთ“,- ამის შესახებ, „ევროპული საქართველო“ გენერალურმა მდივანმა, გიგი უგულავამ განაცხადა.

მისი თქმით, „ქართული ოცნების“ დეპუტატები ან დაუბრუნებენ ხალხს თავისუფალი არჩევანის უფლებას, ან ქვეყნის მართვას ვერ შეძლებენ.

„ბიძინა ივანიშვილს ეშინია ხალხის, რაც შეეხება პარლამენტის ყაზარმად გადაქცევას, მე მხოლოდ ამას მივესალმები, იმიტომ რომ დღეიდან პარლამენტი თავის ფუნქციას ვერ შეასრულებს და არ შეასრულებს, ამის პირობას ჩვენ ვდებთ. ვდებთ იმიტომ, რომ პარლამენტმა ჩაიდინა ქვეყნის ღალატი და ეს ღალატი არ ეპატიება მათ და ტყუილა ჰგონიათ, აი იმ გაქსუებულ დეპუტატებს, ამბოხებულ დეპუტატებს, რომ ხვალ შევლენ წყნარად, წამოგორდებიან იმ თავიანთ თბილ კაბინეტებში და გააგრძელებენ მუშაობას, ისე როგორც ამას აქამდე აკეთებდნენ. არა მეგობრებო, თქვენი დღეები დათვლილია, ან თქვენ მოეგებით გონს და დაუჯერებთ თქვენს ბატონს, რომელიც, თურმე ნანობს, რომ პროპორციული ჩავარდა, ან ეტაპობრივად ყველა თქვენი ბუნაგი, იმიტომ, რომ ყველა თქვენი სახელმწიფო დაწესებულება თქვენ გადააქციეთ ბუნაგად, ნეპოტიზმის, კორუფციის, აღვირახსნილობის ბუნაგად, სადაც ადამიანებს წაართვით თავისუფალი არჩევანის საშუალება. ამიტომ შეუძლებელია "ქართულმა ოცნებამ" , უნდა იცოდეს ქართლი ოცნების თავმჯდომარემ, მისმა დამსმელმა, ბატონმა ივანიშვილმა, რომ აი ასე, ჩვეულებრივად, ისინი ქვეყნის მართვას ვერ შეძლებენ. ან ხალხს თავისუფალი არჩევანის უფლებას დაუბრუნებენ, ან გადაყვებიაინ ამას. ეს იქნება ხანგრძლივი ბრძოლა, ეს არ იქნება მარტივი , მაგრამ ეს არის შესრულებადი და აუცილებლად გაკეთდება, იმიტომ რომ ამ ქმედებების უკან დგას გაბრაზებული საქართველოს მოქალაქეები“, - განაცხადა უგულავამ. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია