|
2019-11-14 17:36:36, 964 ნახვა
საზოგადოება
საქართველოს იუსტიციის მინისტრი საპასუხო ვიზიტით ლატვიაში იმყოფება
ვიცეპრემიერი, იუსტიციის მინისტრი თეა წულუკიანი, პირველ მოადგილე მიხეილ სარჯველაძესთან ერთად, საპასუხო ვიზიტით ლატვიაში იმყოფება. ვიზიტის ფარგლებში, ქართულმა დელეგაციამ პირველი შეხვედრა გამართა ლატვიის ვიცეპრემიერთან, იუსტიციის მინისტრ იანის ბორდანისთან. შეხვედრაზე ლატვიის იუსტიციის მინისტრი საქართველოს იუსტიციის სამინისტროს მიერ გატარებული რეფორმებით დაინტერესდა. შეხვედრაზე განსაკუთრებული ინტერესი გამოიწვია არასრულწლოვანთა მართლმსაჯულების სისტემის რეფორმამ, აგრეთვე, პენიტენციურ სისტემაში მიმდინარე და დაგეგმილმა რეფორმებმა. საქართველოს იუსტიციის მინისტრმა ლატვიელ კოლეგას გააცნო ის ძირითადი პრინციპები, რომელთაც არასრულწლოვანთა მართლმსაჯულების კოდექსი ემყარება და აღნიშნა, რომ სპეციალიზებული სისტემა არასრულწლოვანთა მართლმსაჯულებისათვის, რომელიც ბავშვის საუკეთესო ინტერესებზე იქნებოდა ორიენტირებული, საქართველოს მანამდე არასოდეს ჰქონია. ამ მხრივ კოდექსი ინოვაციურია და საინტერესოა არა მარტო პოსტსაბჭოთა ქვეყნებისათვის, არამედ დასავლეთ ევროპის ქვეყნებისთვისაც. ქართული მხარე დაინტერესდა ლატვიის რესპუბლიკის გამოცდილებით ალიმენტის საგარანტიო ფონდის საქმიანობასთან დაკავშირებითაც. აღნიშნული ფონდის ადმინისტრაცია ლატვიის იუსტიციის სამინისტროს სისტემაში ფუნქციონირებს და მის დაარსებას საფუძვლად ბავშვის ინტერესების დაცვა უდევს. საქართველოს ვიცეპრემიერი, იუსტიციის მინისტრი თეა წულუკიანი, ლატვიაში ოფიციალური ვიზიტით ლატვიის ვიცეპრემიერის, იუსტიციის მინისტრ იანის ბორდანისის მიწვევით იმყოფება.
(NS)
მოჯთაბა ხამენეი მამის დაკრძალვას, სავარაუდოდ, ვერ დაესწრება
5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ
რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით
შიო III პრორუსული პარტიის ლიდერს ზურა მახარაძეს შეხვდა
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა
კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|


ავტორი: ექსპრესნიუსი,



epn.ge (@expressnews.ge)