„თიბისი ბანკის“ დამფუძნებელმა მამუკა ხაზარაძემ „მუქარის წერილის“ დედანი, რომელიც მისი ინფორმაციით შს ყოფილი მინისტრისგან და მოქმედი პრემიერისგან, გიორგი გახარიასგან მიიღო, გენერალურ პროკურატურაში ჩააბარა.

ხაზარაძემ აღნიშნა, რომ გენერალური პროკურატურის იმედი არ აქვს, თუმცა მისი ყველა ქმედება კანონის შესაბამისი იქნება.

„ექსპერტიზა ლონდონში დასრულდა და როგორც დავპირდი საზოგადოებას, დღეს კანონის წინაშე შევასრულე ვალდებულება და ჩავაბარე იმ უწყებას, რომლის იმედიც არ მაქვს. ვფიქრობ, რომ ყველამ უნდა გააკეთოს მსგავსი ნაბიჯი, რომ ქვეყანა გაიწმინდოს ტყუილებისგან“, - განაცხადა მამუკა ხაზარაძემ.

ჟურნალისტის კითხვაზე, თუ ვინ დგას გიორგი გახარიას უკან და ვინ არის მუქარის წერილის ავტორი, ხაზარაძემ შემდეგი კომენტარი გააკეთა:

„გიდასტურებთ, რომ წერილი მივიღეთ გახარიასგან. შესაბამისად არასდროს არ გვითქვამს ვის მიერ არის ეს დაწერილი. ეს პროკურატურამ უნდა დაადგინოს. შესაბამისად, დაველოდოთ გამოძიებას. ჩვენ, ჩვენი მხრიდან, მათგან განსხვავებით, უდანაშაულობის პრეზუმფციას დავიცავთ, მივენდობით ე.წ გამოძიებას, რომლის იმედი ჩვენ არ გვაქვს, მაგრამ ჩვენ მივყვებით კანონის შესაბამისად ყველა ქმედებას“, - განაცხადა „თიბისი ბანკის“ დამფუძნებელმა.

მანვე დასძინა, რომ დედანი ამ წუთებში უკვე პროკურატურაშია და როგორც კი, დაიწყება გამოძიება, დასახელდება პირი, რომელმაც "მუქარის წერილი" გადასცა. 

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა