საზოგადოებრივი მოძრაობა „ლელოს“ დამფუძნებლის, მამუკა ხაზარაძის ადვოკატის ზვიად კორძაძის განცხადებით, მისი დაცვის ქვეშ მყოფისთვის გაგზავნილი „მუქარის წერილზე“ 17 ანაბეჭდია აღმოჩენილი. 

გარდა ამისა, კორძაძის მტკიცებით, ადამიანი, რომელმაც ხაზარაძეს სავარაუდოდ პრემიერ-მინისტრ გიორგი გახარიას წერილი გადასცა გამოძიების დაწყებისთანავე ჩვენების მისაცემად მზად არის.

„ამ საქმესთან დაკავშირებით შუამავალი არ არსებობდა. როგორც კი გამოძიება დაიწყება ამ საქმეზე რეალურად, პირი, რომელმაც წერილი მოიტანა, გამოცხადდება და ჩვენებას მისცემს. ის მზადაა ჩვენების მისაცემად“, - განაცხადა ადვოკატმა.

აღსანიშნავია, რომ კორძაძემ შესაბამისი ექსპერტიზის დასკვნა ჟურნალისტებს ელექტრონულად დაურიგა. მისივე თქმით, ეს დაცვის მხარის ერთ-ერთი დაცვის ბერკეტია. 

"მარტო ექსპერტიზის დასკვნაც კი საკმარისია, რომ წარვადგინოთ პროკურატურაში, მაგრამ, რომ აღარ ითქვას, დედანი რატომ არ მოიტანეთ, ამიტომ, გადავწყვიტეთ წერილის რიგინალი პროკურატურაში წარვადგინოთ", - განაცხადა კორძაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ივანიშვილის ფასების კომისიამ დასკვნა გამოაქვეყნა, სიძვირის მიზეზებზე მილიონერმა დეპუტატმა ისაუბრა

ტრამპის ვაჟები ყაზახეთში ვოლფრამის მოპოვებაში ინვესტირებას ახორციელებენ

რუსეთი სომხეთის წინააღმდეგ სანქციების ახალ პაკეტს ამუშავებს მისი „ანტირუსული ქმედებების“ გამო - Hraparak

სუს-ში მდინარაძის ყოფილი მოადგილე ფინანსთა სამინისტროს საგამოძიებო სამსახურის უხელმძღვანელებს