22 ოქტომბერს „თბილისის აბრეშუმის გზის ფორუმის" გახსნით პანელში  „მაღალი დონის დიალოგი, ერთად საერთო მომავლისკენ: სტაბილური და მდგრადი ზრდის მოდელები" მონაწილეობას მიიღებს აზიის განვითარების ბანკის (ADB) ვიცე-პრეზიდენტი შიქსინ ჩენი, რომელიც  პანელის ერთ-ერთი მომხსენებელია.

შიქსინ ჩენი ADB-ს  გუნდს 2018 წლის 12 დეკემბერს შეუერთდა და პასუხისმგებელია სამხრეთ აზიის, ცენტრალური და დასავლეთ აზიის დეპარტამენტებში განხორციელებულ ოპერაციებზე. ADB-ში საქმიანობის დაწყებამდე, შიქსინ ჩენი  ჩინეთის სახალხო რესპუბლიკის ფინანსთა სამინისტროს საერთაშორისო ეკონომიკური და ფინანსური თანამშრომლობის დეპარტამენტს ხელმძღვანელობდა.

1998 წლიდან, ბატონი ჩენი იკავებდა ხელმძღვანელ თანამდებობებს ჩინეთის ფინანსთა სამინისტროში, სადაც მისი საქმიანობა მოიცავდა სახელმწიფო ფინანსების სფეროებსა და მრავალმხრივი განვითარების ბანკებთან პარტნიორობას. 2012-2014 წლებში იყო საკრედიტო გარანტიისა და ინვესტიციების ხელშემწყობი საბჭოს დირექტორი, 2013-2016 წლებში - მსოფლიო ბანკის აღმასრულებელი დირექტორი ჩინეთის სახალხო რესპუბლიკაში, ხოლო 2016-2018 წლებში - ჩინეთის სახალხო რესპუბლიკაში ახალი განვითარების ბანკის (New Development Bank) და აზიის ინფრასტრუქტურის ინვესტირების ბანკის (Asian Infrastructure Investment Bank) საბჭოს დირექტორი.

შიქსინ ჩენი ეკონომიკის  დოქტორია (ფისკალური მეცნიერების სამეცნიერო-კვლევითი ინსტიტუტი) და ფლობს საჯარო პოლიტიკის მენეჯმენტის მაგისტრის ხარისხს (ჰარვარდის უნივერსიტეტის ჯონ ფ. კენედის მმართველობის სკოლა, ჰარვარდის უნივერსიტეტი).

(NS)

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა