„თუ ჩვენ გვინდა, ლარის კურსზე დადებითი გავლენა მოვახდინოთ, მაშინ, როდესაც სხვა შემომავალი ნაკადები მცირდება, ამის მთავარი იარაღია ბიუჯეტი და დღევანდელი ბიუჯეტი ამას არ ითვალისწინებს“, - ამის შესახებ ეროვნული ბანკის პრეზიდენტმა გიორგი ქადაგიძემ ჟურნალისტებს ლარის კურსის ბოლო დროინდელი გაუფასურების საკითხის კომენტირებისას განუცხადა.

 მისივე თქმით, ლარის კურსის მერყეობა ორივე მიმართულებით ნორმალური პორცესია.

 „ჩვენ გვაქვს მცურავი გაცვლითი კურსი, კურსის მერყეობა ორივე მიმართულებით არის ნორმალური პროცესი. რაც შეეხება იმას, თუ რატომ გაუფასურდა ლარი, ამაზე ბევრი საუბარი იყო. ჩვენ კიდევ ერთხელ ვისაუბრებთ ამაზე მომდევნო კვირას, პარლამენტში, როდესაც დაგვიბარებენ და ყველა ამ საკითხსმ აუცილებლად განვიხილავთ დეტალურად. ჩვენთვის დღეს, მაღალი დოლარიზაციიდან გამომდინარე, ძალიან მნიშვნელოვანია, ლარის კურსის სტაბილურობის საკითხი, ვინაიდან მოსახლეობის დიდ ნაწილს სესხები დოლარში აქვს და მათ სესხის მომსახურების ტვირთი მნიშვნელოვნად გაუძვირდათ. ეს, რა თქმა უნდა, აისახება სხვა მაკროეკონომიკურ პარამეტრებზე. თუ ჩვენ გვინდა, დადებითი გავლენა მოვახდინოთ ლარის კურსზე, მაშინ სხვა შემომავალი ნაკადების შემცირებისას ამის მთავარი იარაღი და დოკუმენტი არის ფისკალური პოლიტიკა, ანუ ბიუჯეტი და დღევანდელი ბიუჯეტი ამას არ ითვალისწინებს“, - აღნიშნა ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს