2019-09-30 15:26:23, 1484 ნახვა
საზოგადოება
სროლა ვაკეში - დაჭრილია 2 ადამიანი
ვაკეში, ყიფშიძის ქუჩაზე სროლა იყო, რა დროსაც ორი ადამიანი დაიჭრა.
გავრცელებული ინფორმაციით, ინციდენტი სამშენებლობო ობიექტის ტერიტორიაზე მოხდა. თვითმხილველების მტკიცებით, სროლას წინ დაპირისპირება უძღოდა და მათ ჩხუბის ხმა გაიგეს.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.
უწყების ცნობით, დაჭრილი მოქალაქეები საავადმყოფოში არიან გადაყვანილი.
ადგილზე ამ დრომდე სამართალდამცველები არიან მმობილიზებული.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
