„პოლიტიკაში ნამდვილად არ ვბრუნდები და არცერთი პოლიტიკური პოზიციისთვის ბრძოლას არ ვაპირებ“, - ამის შესახებ „მთავარ არხს“ ყოფილმა პრემიერ-მინისტრმა გიორგი კვირიკაშვილმა პარლამენტის დამოუკიდებელ დეპუტატ ეკა ბესელიასთან არაფორმალურ გარემოში შეხვედრის შემდეგ განუცხადა.

როგორც კვირიკაშვილმა აღნიშნა, ქვეყანაში მიმდინარე პროცესებით ძალიან უკმაყოფილოა და შესაბამისად, პოლიტიკური მოსაზების დაფიქსირებას არასდროს მოერიდება.

„მე მგონი ქვეყანაში ძალიან ბევრი საინტერესო რამ ხდება, რაზეც შეიძლება ისაუბრო. მე და ეკა ბესელია ერთი საათი ვსაუბრობდით. დეტალებს თქვენ ვერ მოგიყვებით. პოლიტიკაში ნამდვილად არ ვბრუნდები და არცერთი პოლიტიკური პოზიციისთვის ბრძოლას არ ვაპირებ, მაგრამ ძალიან ბევრი რამით ვარ შეწუხებული იმით, რაც დღეს ხდება.

 როგორც ამ ქვეყნის მოქალაქეს და ყოფილ პრემიერ-მინისტრს, ჩემი მოქალაქეობრივი, თუ პოლიტკური პოზიცია მექნება. რაღაც შეიძლება მომწონდეს, რაღაც შეიძლება არ მომწონდეს. მაგალითად, 20 ივნიის რაც იყო ძალიან არ მომეწონა და გავაკეთე კიდევაც ამის შესახებ განცხადება. არასოდეს ჩუმად ყოფნას არ ვაპირებ. ზოგი ამბობს, რომ დააშინეს, დააშანტაჟეს და ა.შ. მგონი დაშანტაჟებულ კაცს ნამდვილად არ ვგავარ.  მე ჩემს ქვეყანას ძალიან პატიოსნად ვემსახურე და დღემდე ასე ვაგრძელებ“, - აღნიშნა კვირიკაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს