„იმისთვის, რომ ადამიანები საქართველოში უფრო ადვილად ჩამოვიდნენ, მათი ტურისტული დანახარჯები იყოს ნაკლები და ჩვენი მიმზიდველობა იყოს  უფრო მეტი, რა თქმა უნდა, პირდაპირი ფრენების არეალის გაფართოება არის ძალიან მნიშვნელოვანი, - ამის შესახებ ეკონომიკისა და მდგრადი განვითარების მინისტრმა ნათია თურნავამ საზოგადოებრივი მაუწყებლის გადაცემაში „ბიზნეს პარტნიორი" სტუმრობისას განაცხადა.

მისივე თქმით, საავიაციო ნაწილში საქართველოს „ღია ცის" პოლიტიკა პირდაპირ კავშირშია ჩვენს ტურისტულ პოლიტიკასთან, რადგან მსოფლიოში საქართველოს წარდგენა ხდება უსაფრთხო, უნიკალური, საინტერესო ტურისტული ბაზრის მქონე ქვეყნის  იმიჯით.

როგორც გადაცემაში სტუმრობისას ნათია თურნავამ განაცხადა, ევროპასთან მიმოსვლა ძალიან მრავალფეროვანი გახდა, რასაც ხელი შეუწყო ახალი დაბალბიუჯეტიანი ავიაკომპანიების - „ვიზეარის" და „რაინეარის" შემოსვლამ.

„თუმცა, ახლა შემდეგი მნიშვნელოვანი ნაბიჯი როგორც პოლიტიკურად, ისე კომერციულად არის პირდაპირი მიმოსვლა აშშ-სთან და აქ გვაქვს ძალიან დამაიმედებელი  შედეგები. თუმცა, ამ კონტექსტში მინდა კიდევ ერთი სიახლე ვახსენო - ეს არის იმ სანქციების გაუქმების პერსპექტივა, რაც ჩვენ დაგვეკისრა 20-21 ივნისის მოვლენების შემდეგ რუსეთის მხრიდან. ამ სანქცების გაუქმება ცალსახად დადებითი მოვლენაა, რაც პოზიტიურად იმოქმედებს მოლოდინებზე, მიმოსვლაზე და მოლოდინი გვაქვს, რომ მომავალი წლიდან ის უარყოფითი შედეგი, რაც ტურიზმის თვალსაზრისით სანქციებმა მოუტანა საქართველოს, განეიტრალებული იქნება", - აღნიშნა ნათია თურნავამ.

ეკონომიკის მინისტრის თქმით, აშშ-სთან ფრენების კუთხით გვაქვს დამაიმედებელი პასუხები და მნიშვნელოვანია, რომ დიალოგი ამერიკულ მხარესთან პირდაპირ ფრენებზე დაწყებულია.

„ამერიკის ფრენები არის ძალიან პერსპექტიული, გვაქვს დამაიმედებელი პასუხები. როგორც იცით, ცოტა ხნის წინ ვიმყოფებოდი აშშ-ში და  შევხვდით ავიაკომპანიებს „დელტა" და „იუნაიტედ ეარლაინსს".  მთავარია, დიალოგი დაიწყო, პროცესი დაიწყო და ეს არ არის რამდენიმე დღეში გადასაწყვეტი საკითხი, მაგრამ  საბოლოო შედეგი იქნება დადებითი გადაწყვეტილება", - განაცხადა ნათია თურნავამ.

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე