ეკონომიკისა და მდგრადი განვითარების სამინისტროს ინიცირებით, საქართველოს პარლამენტი განიხილავს ახალ კანონპროექტს „ენერგეტიკისა და წყალმომარაგების შესახებ," რომელიც დაადგენს ენერგეტიკულ სექტორში წარმოების, გადაცემის, განაწილების, მიწოდებისა და ვაჭრობის ზოგად სამართლებრივ ჩარჩოს.

იგი ასევე ქმნის სამართლებრივ საფუძვლებს მომხმარებლებისთვის, დადგენილი ხარისხის სტანდარტების შესაბამისად, ელექტროენერგიისა და ბუნებრივი გაზის უწყვეტი მიწოდებისა და სასმელი წყლით საიმედო მომარაგების უზრუნველსაყოფად.    კანონპროექტი პარლამენტის საფინანსო-საბიუჯეტო კომიტეტში პირველი მოსმენით განსახილველად ეკონომიკისა და მდგრადი განვითარების მინისტრის მოადგილემ, დავით თვალაბეიშვილმა წარადგინა.

მინისტრის მოადგილის განცხადებით, კანონპროექტმა ხელი უნდა შეუწყოს გამართული, გამჭვირვალე და კონკურენტული ელექტროენერგეტიკული და ბუნებრივი გაზის ბაზრების ჩამოყალიბებას, გახსნას, განვითარებასა და ინტეგრირებას.  „ამ ინიციატივის მთავარი აზრი არის  ის, რომ ქვეყანაში ჩამოვაყალიბოთ კონკურენტუნარიანი და გამჭვირვალე ენერგეტიკის ბაზარი. ის ითვალისწინებს ახალი, ე. წ.  სათამაშო ველის შექმნას ენერგეტიკის სექტორში, აყალიბებს იმ მოთამაშეებს, ბაზრის მონაწილეებს, რომლებმაც ამ სახეცვლილ  ენერგეტიკულ სექტორში უნდა მიიღონ მონაწილეობა. ჩამოწერილი და განსაზღვრულია,  რა ფუნქციები ექნება თითოეულ მათგანს, რადგან კანონპროექტის ერთ-ერთი მთავარი მიზანია, რომ მოხდეს  ენერგომიწოდებისა და განაწილების საქმიანობის გამიჯვნა და ქვეყნის ენერგეტიკული ბაზარი იყოს გახსნილი" - განაცხადა მედიასთან საუბრისას დავით თვალაბეიშვილმა.

მინისტრის მოადგილის განმარტებით,  კანონი, სხვა მნიშვნელოვან მიმართულებებთან ერთად,  აწესრიგებს  ელექტროენერგეტიკული  და  ბუნებრივი  გაზის  სექტორების მართვასა და ორგანიზებასთან, რეგულირებას, მონიტორინგსა და ზედამხედველობასთან, ელექტროენერგიისა და ბუნებრივი გაზის ბაზრებზე თავისუფალ დაშვებასა და ელექტროენერგიითა და ბუნებრივი გაზით ტრანსსასაზღვრო ვაჭრობასთან დაკავშირებულ საკითხებს.

(NS)

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე