2019-09-19 16:26:49, 3073 ნახვა
რეგიონი
ქუთაისში ქიმიური კოლბის აფეთქების შედეგად ბავშვები დაშავდნენ
ქუთაისში, ცენტრალურ ბაღში ინოვაციებისა და მეცნიერებათა ფესტივალზე, რომელშიც სკოლის მოსწავლეები მონაწილეობდნენ, ერთ-ერთი ქიმიური ცდის დროს კოლბა აფეთქდა.
ამის შესახებ ინფორმაცია თავდაპირველად მეგა TV-მ გაავრცელა.
მათივე ცნობით, შემთხვევის შედეგად 5 ბავშვი დაშავდა, მათ ნაკაწრების სახით დაზიანებები მიიღეს.
შინაგან საქმეთა სამინისტროს ინფორმაციით, მომხდარზე გამოძიება სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.
ფოტო: მეგა ტვ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
