2019-09-18 13:58:05, 1488 ნახვა
პოლიტიკა
გოცირიძე - მორატორიუმი გაფუჭებულ საქმეს ვერ უშველის, უკეთესია პრეზიდენტი გადადგეს
მორატორიუმი ამ გაფუჭებულ საქმეს და მის რეპუტაციას ვერ უშველის. უკეთესია, გადადგეს - ამის შესახებ „ნაციონალური მოძრაობის“ ერთ-ერთმა ლიდერმა რომან გოცირიძემ განაცხადა.
როგორც მან აღნიშნა, როდესაც პრეზიდენტი მკვლელობაში ბრალდებულებს იწყალებს, ამ ფაქტში კორუფციის ნიშნები ჩანს.
„თუ ეს დადასტურდა, პრეზიდენტს იმპიჩმენტის წესით მოუწევს წასვლა. მორატორიუმი ამ გაფუჭებულ საქმეს და მის რეპუტაციას ვერ უშველის. უკეთესია, გადადგეს, ვინაიდან დარწმუნებული ვარ, პრეზიდენტი ვერ დაასრულებს ვადას, მას მოუწევს იმპიჩმენტით ან საკუთარი ნებით გადადგომა“, - განაცხადა რომან გოცირიძემ.
ცნობისთვის, სალომე ზურაბიშვილმა დღეს მსჯავრდებულთა შეწყალებაზე მორატორიუმი გამოაცხადა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
