2019-09-16 10:16:08, 959 ნახვა
პოლიტიკა
დღეს საქართველოს იოჰანეს ჰანი ეწვევა
დღეს საქართველოს ევროპის სამეზობლო პოლიტიკისა და გაფართოების საკითხებში ევროკომისარი იოჰანეს ჰანი ეწვევა.
ვიზიტის ფარგლებში იოჰანეს ჰანი საქართველოს პრემიერ-მინისტრს გიორგი გახარიას, განათლების მინისტრს მიხეილ ბატიაშვილსა და თბილისის მერს კახა კალაძეს შეხვდება. დღის განმავლობაში იოჰანეს ჰანი და გიორგი გახარია მედიისთვის განცხადებებს გააკეთებენ.
მიხეილ ბატიაშვილთან ერთად იოჰანეს ჰანი ევროპული აღმოსავლეთ პარტნიორობის წევრი ქვეყნებიდან ბაკალავრიატის მოსწავლეებს შეხვდებიან. 30 მოსწავლე, ევროკავშირთან თანამშრომლობის მასშტაბური პროექტის პირველ ფაზაში, პროგრამას “ახალი სკოლის“ ბაზაზე გაივლის.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
