„ქუცნაშვილს რუსეთის მონა დავუძახე, მისი ცოლი გამოექანა და სახეში მთხლიშა“

2019-09-13 17:09:44, 2369 ნახვა

საზოგადოება

„ქუცნაშვილს რუსეთის მონა დავუძახე, მისი ცოლი გამოექანა და სახეში მთხლიშა“ - #სირცხვილიას აქტივისტი

#სირცხვილიას აქტივისტის ირაკლი არეშიძის განცხადებით, "ქართული ოცნების" ყოფილი დეპუტატის ზაქარია ქუცნაშვილის მეუღლემ მას სახეში დაარტყა.

როგორც არეშიძე აღნიშნა, შემთხვევა გონიოს სასტუმროში მოხდა.

"გონიოში, სასტუმროში, სადაც ზაქარია ქუცნაშვილი თავის მეუღლესთან ერთად ისვენებდა ვეძახდი, რომ თქვენ ხართ გავრილოვის მონა, თქვენ გამო ადამიანები ციხეში არიან, ადამიანებს თვალები დაეთხარათ, თქვენ კიდევ აქ ისვენებთ და ასე შემდეგ. ის მეუბნებოდა, აბა, ჩამოდიო. მერე რომ ჩავედით, "ჩექ აუთი" იყო, მომვარდა მისი ცოლი, გამოექანა და მთხლიშა, ვის უწოდე მონაო. დავრეკე 112-ში და გამოვიძახე პატრული", - განაცხადა აქტივისტმა მტავარ არხთან საუბარში.

ფაქტთან დაკავშირებით "ექსპრესნიუსი" შინაგან საქმეთა სამინისტროს დაუკავშირდა, სადაც განაცხადეს, რომ პოლიციაში შევიდა შეტყობინება, რის საფუძველზეც საქმეზე გამოძიება სსკ-ის 126-ე მუხლით მიმდინარეობს, რაც ძალადობას გულისხმობს.