2019-09-10 10:03:29, 1214 ნახვა
პოლიტიკა
ილჰამ ალიევი გიორგი გახარიას პრემიერ-მინისტრის თანამდებობის დაკავებას ულოცავს
აზერბაიჯანის რესპუბლიკის პრეზიდენტი ილჰამ ალიევი გიორგი გახარიას საქართველოს პრემიერ-მინისტრის თანამდებობის დაკავებას ულოცავს.
აზერბაიჯანის პრეზიდენტი მილოცვაში ხაზს უსვამს ორი ქვეყნის ისტორიულ კეთილმეზობლურ და მეგობრულ ურთიერთობებს და საქართველოს პრემიერს წარმატებულ საქმიანობას უსურვებს.
"მჯერა, შესანიშნავ ტრადიციებზე დამყარებული ჩვენი ურთიერთობები და სტრატეგიული პარტნიორობა ჩვენი ხალხის ინტერესების შესაბამისად კვლავაც განვითარდება და განმტკიცდება. გისურვებთ წარმატებებს საქმიანობაში, მეგობარი ქართველი ხალხის საკეთილდღეოდ", - აღნიშნულია ილჰამ ალიევის მილოცვაში, რომელიც საქართველოს პრემიერ-მინისტრმა აზერბაიჯანის რესპუბლიკიდან მიიღო.
ავტორი: ექსპრესნიუსი,
epn.ge (@expressnews.ge)
