"თიბისი ბანკის" დამფუძნებლის მამუკა ხაზარაძის მტკიცებით, პრემიერ-მინისტრი გიორგი გახარია ანაკლიის პორტის მშენებლობის წინააღმდეგია. 

ხაზარაძის განცხადებით, როდესაც გიორგი გახარია შს მინისტრის თანამდებობას იკავებდა, მასთან რამდენიმე სამუშაო შეხვედრა გამართა, სადაც მინისტრი სხვადასხვა მიზეზების გამო, პორტის მშენებლობას უწუნებდა. 

ბიზნესმენი აგრეთვე გერმანული გამოცემა "დოიჩე ველეს" სტატიას გამოეხმაურა, სადაც გიორგი გახარია "მოსკოვის კაცად" არის მოხსენიებული და დასძინა, რომ ის ამ მოსაზრებას იზიარებს. 

"მე ანაკლიის პროექტს არ წარმოვადგენ, მიუხედავად იმისა, რომ მე და ჩემს პარტნიორებს საკმაოდ დიდი ინვესტიციები გვაქვს ჩადებული. არანაირი კავშრი, როგორც ბიზნესმენს აღარ მაქვს, თუმცა რა თქმა უნდა მაქვს ინტერესი, რომ ეს პროექტი განვითარდეს, რადგან ის უმნნიშვნელოვანესია ჩვენი ქვეყნისთვის. მე გიორგი გახარიას პრემიერობის პირობებში ანაკლიის განვითარების ვერანაირ პერსპექტივას ვერ ვხედავ. დღეს "დოიჩე ველემ" ძალიან კარგი სტატია დაწერა და მას უწოდა "მოსკოვის კაცი", რასაც სრულიად ვიზიარებ. მთელი ამ პროცესის დროს, რამდენჯერაც მქონდა მე მასთან შეხვედრა, ის ანაკლიის განვითარების წინააღმდეგი იყო სხვადასხვა მიზეზის გამო. ამასთან, საქართველოს ტვირთბრუნვა წლიდან წლამდე 35%-ით იზრდება და ანაკლიიის პორტის მშენებლობა სასიცოცხლოდ მნიშვნელოვანია. მითუმეტეს, როდესაც რუსეთმა გამოაცხადა ნოვორასისკის პორტის და ტამამის პორტის მშენებლობა. ჩვენ არ უნდა ვიყოთ მაჩანჩალა ქვეყანა. არ უნდა ასრულებდეს ხელისუფლება იმ სახელმწიფოს  დავალებებს, რომელიც პირდაპირ ეწინააღმდეგები ჩვენი ქვეყნის ინტერესებს", - აღნიშნა ხაზარაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს