„მაგალითად მე 6 წელია უკვე სხვადასხვა სახით ამ მთავრობაში ვარ და არასოდეს არ მიხსენებია 9 წელი, ეს მომიწია პირველად გუშინწინ“, - ამის შესახებ პრემიერ-მინისტრობის კანდიდატმა გიორგი გახარიამ პარლამენტში განახლებული მთავრობისთვის ნდობის გამოცხადების საკითხის განხილვისას განაცხადა.

როგორც გახარიამ განმარტა, ის წინა ხელისუფლებას კოჰაბიტაციის გამო არ აკრიტიკებდა.

„ერთი რამე მინდა ვთქვა, თუ შეგრძნება რჩება, რომ გუნდის რომელიმე ნაწილი, პარლამენტი იქნება, აღმასრულებელი ხელისუფლება იქნება, ან გუნდის ის ნაწილი და პარლემენტში არ მოხვედრილა და პარტიულ ფლანგზე იბრძვის და შეგრძნება აქვს რომ ისინი მარტო იბრძვიან, ეს რა თქმა უნდა, უნდა გადავლახოთ. ეს ყველასთვის არის პირადი გამოცდილება.  მაგალითად მე 6 წელია უკვე სხვადასხვა სახით ამ მთავრობაში ვარ და არასოდეს არ მიხსენებია 9 წელი, ეს მომიწია პირველად გუშინწინ. არ მიხსენებია სხვადასხვა მიზეზების გამო, იმიტომ რომ იყო კოჰაბიტაცია, რომელიც პოლიტიკურ კულტურაში ნიშნავს სულ სხვა რაღაცას, პოლიტიკური ორიენტაციის ძალების ხელისუფლებაში ერთდროულად ყოფნას და საერთოდ არ ნიშნავს შერიგებას და კიდევ ბევრი რამ. თუმცა როდესაც ჩვენ ვიღებთ გადაწყვეტილებას და ვამბობთ, რომ ძირითად ინსტრუმენტად და იარაღად გავიხადოთ სიმართლე, მარტივად გეტყვით რატომ, ეს არის ჩემი სუბიექტური აზრი, რომელიც აუცილებლად მინდა ამ ტრიბუნიდან ვთქვა 2012 წლის შემდეგ, ახალმა ხელისუფლებამ შესძლო ის რომ წინა ხელისუფლებას ფაქტობრივად რეალური ინსტრუმენტები, რომლითაც შეეძლოთ ცალკე აღებულ მოქალაქეზე ეძალადათ, ჩამოართვა. ერთადერთი რაც დარჩათ, ეს იყო პროპაგანდა და ამ 7 წლის განმავლობაში ამ პროპაგანდას იყენებდნენ ისე ეფექტურად, რომ მოხდა სიმართლის ჩანაცვლება, სიცრუით და მოქალაქეების დღევანდელ აღქმაში კითხვის ნიშნის ქვეშ დგება ისეთი საკითხები, როგორიც არის „ქართული ოცნების“ როგორც პოლიტიკური გაერთიანების საგარეო ორიენტაცია, ოკუპაციასთან მიმართებაში პოზიცია. მართლმსაჯულებასთან მიმართებაში პოზიცია, მედია თავისუფლება. როდესაც დღეს გვიანონსებს ახალი ტელევიზიის შექმნას რამდენიმე პოლიტიკური ჯგუფი და რამოდენიმეს ბიუჯეტის ვალი აქვს და იქიდან მოპარული ფულით გვიანონსებენ მედიის შექმნას“, - აღნიშნა გიორგი გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით