"ევროპული საქართველოს" წევრი სერგი კაპანაძე "ტვ პირველის" გარშემო განვითარებულ მოვლენებს ეხმაურება და აცხადებს, რომ მმართველი გუნდის თავმჯდომარე ბიძია ივანიშვილი მედია საშუალებებზე გავლენის მოხდენას ცდილობს. 

როგორც კაპანაძემ აღნიშნა, ხელისუფლების ნებისმიერი მცდელობა მედია საშუალებებზე გავლენის მოხდენის წარუმატებელი იქნება. 

"ხელისუფლბამ 20 ივნინის მერე, ნახა, რომ მოსახლეობამ პრაქტიკულად გადაწყვეტილება მიიღო, რომ 2020-ში ესენი გაუშვან სახლში. ერთადერთი იმედი რაც დარჩა ბიძინა ივანიშვილს, არის რომ გააჩუმოს მედია საშუალებები, რათა თავისი ალტერნატიული "სიმართლე" შესთავაზოს მოსახლეობას და ამ მორიგი ძალადობის ტალღით იქნება გავიდეს ფონს. სწორედ ამიტომ, "რუსთავი 2"-ის, მათი აზრით გაჩუმების მერე, ახლა ისინი, ცდილობენ, რომ მაქსიმალური პრობლემები შეუქმნან "ტვ პირველს". ეს პროცესი მარტივი არ იქნება. ყველა მცდელობა საერთო ჯამში იქნება წარუმატებელი. რაც უფრო გაამწვავებენ ვითარებას, მით უფრო მწვავე იქნება მათთვის ხელისუფლების დათმობა", - განაცხადა სერგი კაპანაძემ. 

ცნობისთვის, "ტვ პირველის" დამფუძნებლის ვახტანგ წერეთელის მამას, ავთანდილ წერეთელს "ტიბისი ბანკის" საქმეზე ბრალი წარუდგინეს. დღეს სასამართლოში ავთანდილ წერეთელისთვის აღკვეთის ღონისძიების შეფარდებაზე სასამართლო იმსჯელებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს