2019-08-22 14:01:45, 1062 ნახვა
რეგიონი
აფხაზეთის დე ფაქტო რესპუბლიკის ე.წ. პრეზიდენტობის კანდიდატის ოლეგ არშბას საარჩევნო შტაბი დაცხრილეს
აფხაზეთის დე ფაქტო რესპუბლიკის ე.წ. პრეზიდენტობის კანდიდატის ოლეგ არშბას საარჩევნო შტაბი დაცხრილეს - ამის შესახებ ინფორმაციას „sputnik abkhazia“ ე.წ. აფხაზეთის შინაგან საქმეთა სამინისტროს პრესსამსახურზე დაყრდნობით ავრცელებს.
აფხაზეთის მარიონეტული რეჟიმის ე.წ. „შინაგან საქმეთა სამინისტროს“ ინფორმაციით, 21 აგვისტოს, 01:00 საათიდან 09:00 საათამდე უცნობმა პირებმა დაუდგენელი იარაღით კაფე „ნეპტუნის“ შენობა დაცხრილეს, რომელიც ე.წ. პრეზიდენტობის კანდიდატის, ოლეგ არშბას მიერ იყო ნაქირავები. ინციდენტის დროს არავინ დაშავებულა.
შეგახსენებთ, რომ აფხაზეთის ოკუპირებულ ტერიტორიაზე ე.წ. „საპრეზიდენტო არჩევნები“ 2019 წლის 25 აგვისტოს გაიმართება.
ავტორი: ექსპრესნიუსი,
epn.ge (@expressnews.ge)
