2019-08-13 14:22:23, 3347 ნახვა
კომენტარი
მაჭავარიანი ტელევიზიების ვალებზე: ეს საკითხი უნდა გადავწყვიტოთ, უსასრულოდ ვერ გაგრძელდება
ფინანსთა მინისტრის ივანე მაჭავარიანის განცხადებით, დავალიანების მქონე ტელევიზიებს ვალების ჩამოწერის თხოვნით სახელმწიფოსთვის ჯერ არ მიუმართავთ.
მინისტრმა აღნიშნა, რომ პრობლემა აუცილებლად უნდა გადაიჭრას, თუმცა მისი მოგვარების გზები, ამ ეტაპზე, არ გადაწყვეტილა.
„არ ვიცი ჯერ. ვიცი თანხა საკმაოდ დიდია, თუმცა ჯერ არანაირი გადაწყვეტილება არ არის მიღებული. ჯერჯერობით ამაზე საუბარი არ არის. არც მოუმართავთ არავის ვალების ჩამოწერაზე, თუმცა იმასაც ვაცნობიერებთ, რომ იოლი გადასახდელი არ იქნება ეს ვალები და ამას უნდა რაღაცა გადაწყვეტა. უსასრულოდ ეს ვერ გაგრძელდება. რა გადაწყვეტა იქნება, ამას შევიმუშავებთ, მათ შორის ტელეკომპანიებთან ერთად“, - განაცხადა ივანე მაჭავარიანმა.
ავტორი: ექსპრესნიუსი,
epn.ge (@expressnews.ge)
