ფინანსთა მინისტრმა ნოდარ ხადურმა მთავრობის დღევანდელ სხდომაზე ჩინეთში ვიზიტზე ისაუბრა.

როგორც მინისტრამ აღნიშნა, 28-29 ივნისს, პეკინში აზიის ინფრასტრუქტურის საინვესტიციო ბანკის დამფუძნებელ დოკუმენტს მოეწერა ხელი, რომელსაც 500 მილიარდი დოლარის კაპიტალი ექნება.

„ინფრასტრუქტურის საინვესტიციო ბანკის დამფუძნებელ დოკუმენტს ხელი 57-მა ქვეყანამ მოაწერა, მათ შორის არის ევროკავშირის პრაქტიკულად ყველა ქვეყანა. ეს არის ახალი ბანკი, რომელიც მიზნად ისახავს ინფრასტრუქტურული პროექტები განხორციელებას და მას საკმაოდ სერიოზული კაპიტალი ექნება. ისინი ფიქრობენ, რომ საუბარია დაახლოებით 500 მილიარდ დოლარამდე, მომავალში არ გამორიცხავენ ამ თანხის ზრდას“, - აღნიშნა ხადურმა.

მისივე თქმით, ის ჩინეთის პრეზიდენტს და ფინანსთა მინისტრსაც შეხვდა, რომლებსაც აბრეშუმის გზის და ანაკლიის პროექტთან დაკავშირებით მიაწოდა ინფორმაცია.

„ჩინეთის მხარემ დაადასტურა, რომ საქართველო მათთვის ერთ-ერთი პირორიტეტული ქვეყანაა. ისინი მზად არიან ამ ბანკის და სხვა ფინანსური ინსტიტუტების მეშვეობით, ხელი შეუწყობ ქვეყანაში ინფრასტრუქტურის განვითარებას, განსაკუთრებით ეს ეხება აბრეშუმის გზის პროექტის განხორციელებას. ამასთან ჩინეთის პრეზიდენტმაც დაადასტურა, რომ აბრეშუმის გზა არის ერთ-ერთი პრიორიტეტი, რომელზეც ჩინეთი მეზობლებთან ერთად იმუშავებს. ჩვენ ჩინეთს შევთავაზეთ მივაწოდოთ ინფორმაცია ანაკლიის პროექტთან დაკავშირებით“, - განაცხადა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს