რუსეთ-საქართველოს ომში დაღუპული 5 გმირის  ამირან შაინიძის, ომარ ასლანიძის, ვაჟა შაინიძის, გიორგი შაინიძისა და  გიორგი ქათამაძის ხსოვნისადმი მიძღვნილი მემორიალური დაფა სოფელ ცეცხლაურში აღიმართა. მემორიალთან დღეს აჭარის მთავრობის თავმჯდომარესთან ერთად  მუნიციპალიტეტის ხელმძღვანელი პირები და სოფლის მოსახლეობა შეიკრიბა. თორნიკე რიჟვაძემ კიდევ ერთხელ გაიხსენა რუსეთ-საქართველოს ომში დაღუპული მებრძოლები.

,,ეს არის ყველაზე ტრაგიკული, სევდიანი დღე ჩვენი ქვეყნის თანამედროვე ისტორიაში. ასევე, ეს არის დღე, როცა კიდევ ერთხელ, ძალიან ძლიერად ყველას გვახსენდება ყველა ის თავდადებული ადამიანი, ყველა ის გმირი ჯარისკაცი, რომელმაც თავი შესწირა ჩვენი ქვეყნის თავისუფლებას, ერთიანობას. და ჩვენი ვალია, რომ გავუფრთხილდეთ მათ ხსოვნას, გმირობას და თავდადებას", - განაცხადა თორნიკე რიჟვაძემ.

ინიციატივა ომში დაღუპული ჯარისკაცების  ოჯახებს ეკუთვნით, რაშიც მათ მხარდაჭერა მიიღეს. მემორიალური დაფა ცეცხლაურში ქველმოქმედების შედეგად აღიმართა.

„ყველა სოფელს თავისი ისტორია აქვს. ეს ბიჭები ჩვენი სოფლის ვაჟკაცები იყვნენ და ჩვენი სოფლისთვის თვალსაჩინო ადგილას უნდა გაკეთებულიყო ეს მემორიალი და ამიტომ სოფლის შემოსასვლელში გაკეთდა. დიდი მადლობა მთავრობას ამ ვაჟკაცების ხსოვნას ასეთ პატივს რომ  მიაგებენ, მათი მშობლების გვერდით დგანან, თანაუგრძნობენ, მოდიან და ესაუბრებიან“, - აღნიშნა დაღუპული გმირის ვაჟა შაინიძის ოჯახის წევრმა მერი შაინიძემ.

(NS)

ავტორი: ექსპრესნიუსი,

სოციალური ქსელები

ფაშინიანი - დღის წესრიგშია საქართველოსთან დელიმიტაციის დასრულების საკითხიც

ხელისუფლების მიერ არჩეული კურსი ქვეყანას აშორებს ევროკავშირის გზას - ევროკავშირის წარმომადგენლობა

ნაციონალურმა მოძრაობამ ფასების სტაბილურობისთვის საკუთარი ხედვა წარადგინა

საქართველოს ბანკისა და Boxette-ის ერთობლივი შეთავაზება ამერიკაში მცხოვრები ემიგრანტებისთვის